ޖެޓްސްކީގައި ގެއްލުނު 2 މީހުން ފެނިއްޖެ ކަމަށާއި ހާލު ރަނގަޅު ކަމަށް އެމްއެންޑީއެފުން ބުނެފިއެވެ.
ޖެޓްސްކީގައި ގެއްލުނު ދެ ދިވެހިން ފެނުނީ އެމީހުން ނުކުތް ޖެޓްސްކީގެ އިންޖީންު ހުއްޓި އޮޔާ ދަނިކޮށް ކަމަށެވެ. އަދި އެމީހުން ފެނިފައި ވަނީ މިރޭ 8:42 ހާއިރު ޅ. އަތޮޅު ކުރެއްދޫ ރިސޯޓު ކައިރިން ކަމަށާއި އެމީހުން ވަނީ ކުރެއްދޫ ރިސޯޓަށް ގެންގޮސްފައި ކަމަށް އެމްއެންޑީއެފުން ބުނެއެވެ. އެ ދެމީހުން ފެނުނު އިރު އެމީހުންގެ ހާލު ރަނގަޅު ކަމަށް އެމްއެންޑީއެފުން ބުނެއެވެ.
ގެއްލުނު ދެ މީހުންގެ ތެރެއިން ފިރިހެން މީހާގެ އުމުރަކީ 24 އަހަރުގެ މީހެކެވެ. އަދި އަންހެން މީހާގެ އުމުރަކީ 29 އަހަރެވެ.
ފުށިފަރު ރިސޯޓުން އެ ދެމީހުން ޖެޓްސްކީއެއްގައި ފުރާފައިވާއިރު އެއީ އެ ރިސޯޓުގައި މަސައްކަތް ކުރާ ދެ މުވައްޒަފުން ކަމަށް މައުލޫމާތު ލިބެއެވެ. ޖެޓްސްކީގައި ދިޔަ 2 މީހުންގެ ތެރެއިން އަންހެން މީހާގެ އަތުގައި ފޯނެއް އޮތް ކަމަށާއި، އެ ފޯނަށް ގުޅުނު ނަމަވެސް ޖަވާބެއް ދީފައި ނުވާ ކަމަށް އެމްއެންޑީއެފުން ބުނެފައި ވެއެވެ.
އެމްއެންޑީއެފުން ބުނީ ޖެޓްސްކީގައި އެ 2 މީހުން ފުރީ މިއަދު ހަވީރު ހައެއް ޖަހަން އުޅެނިކޮށް ކަމަށެވެ. އަދި ޖެޓްސްކީގައި އެމީހުން ފުރި އިރު ތިބީ ލައިފް ޖެކެޓް އަޅައިގެން ކަމަށް މައުލޫމާތު ލިބެއެވެ.
