ޖެޓްސްކީއެއްގައި އަންހެނަކާއި ފިރިހެނެއް ގެއްލިގެން ހޯދަމުން އެބަދެއެވެ.
އެމްއެންޑީއެފުން ބުނީ ގެއްލިގެން ހޯދަމުން ދަނީ ފުށިފަރު ރިސޯޓުން ޖެޓްސްކީއެއްގައި ފުރި 2 ދިވެހިން ކަމަށެވެ.
ގެއްލިގެން ހޯދަމުން ދާ ދެ މީހުންގެ ތެރެއިން ފިރިހެން މީހާގެ އުމުރަކީ 24 އަހަރެވެ. އަންހެން މީހާގެ އުމުރަކީ 29 އަހަރެވެ.
އެމްއެންޑީއެފުން ބުނީ، މިހާތަނަށް ބެލި ބެލުމުން ޖެޓްސްކީގައި ދިޔަ 2 މީހުންގެ ތެރެއިން އަންހެން މީހާގެ އަތުގައި ފޯނެއް އޮތް ކަމަށާއި، އެ ފޯނަށް ގުޅުނު ނަމަވެސް ޖަވާބެއް ދީފައި ނުވާ ކަމަށެވެ. އަދި މިހާރުވެސް ފޯނަށް ގުޅުމުގެ މަސައްކަތް ކުރަމުން ދާ ކަަމަށްވެސް ބުނެއެވެ.
އެމްއެންޑީއެފުން ބުނީ ޖެޓްސްކީގައި އެ 2 މީހުން ރިސޯޓުން ފުރީ މިއަދު ހަވީރު ހައެއް ޖަހަން އުޅެނިކޮށް ކަމަށެވެ.
ފުރިފަރު ރިސޯޓުން ފުރި 2 މީހުންނަކީ، އެ ރިސޯޓުގައި މަސައްކަތް ކުރާ 2 މީހުން ކަމަށް މައުލޫމާތު ލިބިފައި ވީ ނަމަވެސް އެމީހުން ފުރީ ކޮންތާކަށް ދާން ކަމެއް އަދި ސާފެއް ނުވެއެވެ. އަދި އެމީހުން ފުރި އިރު ލައިގެން ތިބީ ކޮން ކުލައެއްގެ ހެދުމެއް ކަމެއްވެސް ސާފުވާ ގޮތެއް ނުވެއެވެ.
