މެއިންޓަނެންސްގެ ދާއިރާއިން ފިޔަވަތި މަރުކަޒަށް އެހީތެރިކަން ފޯރުކޮށްދިނުމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ޖެންޑާ މިނިސްޓްރީއާއެކު އެއްބަސްވުމެއްގައި ސޮއިކޮށްފިއެވެ.
މި އެއްބަސްވުމުގެ ދަށުން، އެމްއޭސީއެލުން އެހީތެރިކަން ފޯރުކޮށްދޭނީ ދައުލަތުގެ ބެލުމުގެ ދަށުން ކުޑަކުދިން ބަލަހައްޓަމުން ގެންދާ ހުޅުމާލެ ފިޔަވަތި މަރުކަޒަށެވެ. ފިޔަވައްޗަށް މެއިންޓަނެންސްގެ ދާއިރާއިން ބޭނުންވާ އެހީތެރިކަން އެމްއޭސީއެލުން ފޯރުކޮށްދޭނީ 1 އަހަރު ދުވަހުގެ މުއްދަތަކަށެވެ.
މި އެއްބަސްވުމުގެ ދަށުން ފިޔަވަތި މަރުކަޒުގައި ބޭނުންކުރާ އިލެކްޓްރޯނިކް ބައެއް ތަކެތި މަރާމާތުކޮށް، ސާވިސްކޮށް ބެލެހެއްޓުމާއި އިމާރާތުގައި ބޭނުންކުރެވޭ ބޮކި ލެޑް ލައިޓަށް ބަދަލުކުރުން ހިމެނެއެވެ.
މިއަދު ޖެންޑާ މިނިސްޓްރީގައި ބޭއްވި ރަސްމިއްޔާތެއްގައި މި އެއްބަސްވުމުގައި އެ މިނިސްޓްރީގެ ފަރާތުން ސޮއިކުރެއްވީ މިނިސްޓަރު އައިޝަތު މުހައްމަދު ދީދީއެވެ. އެމްއޭސީއެލްގެ ފަރާތުން މި އެއްބަސްވުމުގައި ސޮއިކުރެއްވީ ޗީފް އެގްޒެކިއުޓިވް އޮފިސަރު އަދި މެނޭޖިން ޑިރެކްޓަރު ގޯޑްން އެންޑްރިއު ސްޓުވާޑެވެ.
ފިޔަވަތި މަރުކަޒުގައި މި ވަގުތު 13 އަހަރުން ދަށުގެ 119 ކުދިން އަންނަނީ ދިރިއުޅެމުންނެވެ.
ބޯނަސް ދީބަލަ ފުރަތަމަ !