މަރުގެ މައްސަލައަކާ ގުޅިގެން ބިދޭސީ މީހަކު ހޯދަން ފުލުހުން އިއުލާން ކޮށްފިއެވެ
ފުލުހުން ބުނީ އެ މައްސަލައަކީ ސީރިއަސް އެންޑް އޯގަނައިޒްޑް ކްރައިމް ޑިޕާޓްމަންޓުން ތަހުގީގު ކުރަމުންދާ މަރުގެ މައްސަލައަކާ ގުޅިގެން ހޯދަމުންދާ ބިދޭސީއެއް ކަމަށެވެ.
މިމައްސަލައާ ގުޅިގެން ހޯދަމުން ދަނީ ބަނގުލަދޭޝްއަށް ނިސްބަތްވާ އުމުރުން 32 އަހަރުގެ މުހައްމަދު އަލީ ހޮސެއިން ނަމަކަށް ކިޔާ މީހެކެވެ.
ފުލުހުން ވަނީ މުހައްމަދު އަލީ ހޮސެއިން އާ ގުޅޭ އެއްވެސް މައުލޫމާތެއް ލިބިފައިވާނަމަ ސީރިއަސް އެންޑް އޯގަނައިޒްޑް ކްރައިމް ޑިޕާޓްމަންޓުގެ ނަމްބަރު 9911099 އަށް ގުޅާ ހިއްސާ ކުރުމަށް އެދިފައެވެ.
މިއީ ސީދާ ކޮން މަރެއްގެ މައްސަލަ އެއް ކަމެއް ނޭނގެއެވެ.
މީގެ ކުރިން ވެސް ފުލުހުން ދަނީ، އުޅޭ ވަކި ތަނެއް ނޭނގޭ ބިދޭސީންނާއި ދުވެހިން، ފުލުހަށް ހާޒިރުވުމަށް އަންގާ އެކަން އާންމުކޮށް އިއުލާން ކުރަމުންނެވެ.
