11 މީހުންނާއެކު އެންދަމަން އުޅުނު ދޯންނެއް ފަރަށް އަރައި ދިޔަވާތީ އެމްއެންޑީއެފުން އެހީތެރިކަން ފޯރުކޮށްދީފިއެވެ.
އެމްއެންޑީއެފުން ބުނީ، ފަަރަށް އަރާފައިވާ ދޯންނަކީ "ހިތްވަރު" ނަމަކަށް ކިޔާ ރ. ދުވާފަރު މަސްދޯންޏެއް ކަމަށެވެ. ދޯނި ފަރަށް އަރާފައި ވަނީ ރ. ކަނދޮޅުދޫގެ ހުޅަނގު ދެކުނު ފަރާތުގައި އޮތް ފަރަކަށް ކަމަށް އެމްއެންޑީއެފުން މައުލޫމާތު ދެއެވެ. އަދި އެ ދޯނި ފަރަށް އަރާފައި ވަނީ އެންދަމަށް އުޅެނި ކޮށް ކަމަށާއި އެ ދޯނީގައި 11 މީހުން ތިބި ކަމަށް އެމްއެންޑީއެފުން ބުނެއެވެ.
އެ މަސްދޯނި ފަރަށް އެރުމާ އެކު ދޯނީގެ އިންޖީން ރޫމް ދިޔަވާ ކަމުގެ މައުލޫމާތާއެކު މި ހާދިސާ ރިޕޯޓުކޮށްފައި ވަނީ މިރޭ 8:12 ހާއިރު ކަމަށް އެމްއެންޑީއެފުން ބުނެއެވެ.
އަދި މި ހާދިސާގެ މައުލޫމާތު ލިބުމާއެކު އެމްއެންޑީއެފްގެ ނޮދަން އޭރިއާގެ ކޯސްޓްގާޑް ސކޮޑްރަންގެ ޑައިވަރުން ހަރަކާތްތެރި ވާން ފަށާފައިވާ ކަމަށް ވެސް އެމްއެންޑީއެފުން ބުނެއެވެ.
މަސްވެރިކަމުގައި ނުކުމެ އުޅޭ ދޯނިފަހަރު ފަރަށް އަރައި އަދި ކަނޑުމަތީގައި ދިމާވާ އެކި ހާދިސާ ތަކުގައި އެމްއެންޑީޢެފުން އަބަދުވެސް އަންނަނީ އެހީތެރިކަން ފޯރުކޮށް ދެމުންނެވެ.
