ޗީފް އޮފް ޑިފެންސް ފޯސް މޭޖާ ޖެނެރަލް އަބްދުﷲ ޝަމާލް ކޮވިޑަށް ޕޮޒިޓިވް ވެއްޖެއެވެ.
'ދަ ޕްރެސް' އަށް މައުލޫމާތު ދެއްވަމުން އެމްއެންޑީއެފްގެ އިސްތަރުޖަމާނު، މޭޖާ އިބްރާހިމް އާޒިމް ވިދާޅުވީ، ޝަމާލް ކޮވިޑްއަށް ޕޮޒިޓިވްވެފައި ވަނީ ކޮވިޑް ބަލީގެ އަލާމާތްތައް ހުރުމުން އިއްޔެ ބައްޔަށް ޓެސްޓު ކުރުމުން ކަމަށެވެ. އަދި ޝަމާލް މިހާރު ހުންނެވީ ގޭގައި އެކަހެރި ވެވަޑައިގެން ކަމަށް ވެސް އާޒިމް ވިދާޅުވިއެވެ.
ހަމައެއާއެކު ޝަމާލް ކޮވިޑަށް ޕޮޒިޓިވްވުމާ ގުޅިގެން އޭނާއާ ކޮންޓެކްޓް ވެފައި ވާ މީހުން ދެނެގަނެ ކަރަންޓީން ކުރަން ޖެހޭ މީހުން ވަނީ ކަރަންޓީން ކޮށްފައި ކަމަށް އާޒިމް ވިދާޅުވިއެވެ.
ކޮވިޑަށް ޝަމާލް ޕޮޒިޓިވް ވެފައި ވާ އިރު އޭނާ އެއްވެސް ޕާޓީއެއް އަދި ހަފްލާއަކަށް ވަޑައިގެންފައި ނުވާ ކަމަށް އާޒިމް ވިދާޅުވިއެވެ. އަދި މިދިޔަ ދުވަސްތަކުގައި ރާއްޖެއިން ބޭރަށް ވެސް އޭނާ ވަޑައިގެންފައި ނުވާ ކަމަށް އާޒިމް ވިދާޅުވިއެވެ.
ރާއްޖެއިން މިހާރު މި ބައްޔަށް ޕޮޒިޓިވްވި މީހުންގެ ޖުމްލަ އަދަދު މިވަނީ 14،065 އަށް އަރާފައެވެ. އަދި ބަލިން ރަނގަޅުވި ޖުމްލަ މީހުންގެ އަދަދު ވަނީ 13،308 އަށް އަރާފައެވެ. މިވަގުތު މިބަލި ޖެހިފައި ތިބި މީހުންގެ އަދަދު 701 ގައި އުޅޭ އިރު، އެމީހުންގެ ތެރެއިން 47 މީހަކަށް ހޮސްޕިޓަލުގައި ދަނީ ފަރުވާ ދެމުންނެވެ.
އަލައްތަ މީހަކު ޕޮޒިޓިވް އެވީ