2022 ވަނަ އަހަރަކީ ފަތުރުވެރިކަމުގެ ރަން އަހަރުގެ ގޮތުގައި ފާހަގަ ކުރަން ނިންމާ، 2022 ވަނަ އަހަރަށް ހާއްސަ ކައުންޓްޑައުންއެއް މިއަދު ޓޫރިޒަމް މިނިސްޓްރީން ފަށައިފިއެވެ.
2022 އަހަރަކީ ފަތުރުވެރިކަމުގެ ރަން އަހަރުގެ ގޮތުގައި ފާހަގަ ކުރަނީ، އެއީ ރާއްޖޭގެ ފަތުރުވެރިކަމަށް 50 އަހަރުފުރޭ ރަން ޔޫބީލް އަހަރުކަމަށް ވާތީއެވެ. ޓޫރިޒަމް މިނިސްޓްރީގެ ސޯޝަލް މީޑިއާ އެކައުންޓްތައް މެދުވެރިކޮށް، ކުރިއަށް ގެންދާ މި ކައުންޓްޑައުންގައި، ތަފާތު އެކި ފަރާތްތަކަމުގެ ވީޑިއޯ މެސެޖުތައް 2021، ޖެނުއަރީ 1 އޮން 2021 ޑިސެމްބަރު 31 އަށް ފޮނުވާނެއެވެ.
މި ވީޑިއޯ މެސެޖުތައް ފޮނުވާނީ، ފަތުރުވެރިކަމުގެ ސިނާއަތް ރާއްޖެއަށް ތައާރުފު ކުރުމުގައި އިސްކޮށް އުޅުނު ފަރާތްތަކާއި، ފަތުރުވެރިކަމުގެ ސިނާއަތުގައި ހަރަކާތްތެރިވާ ފަރާތްތަކާއި، މީގެ އިތުރުން ފާހަގަ ކޮށްލެވޭ ފަރާތް ތަކެވެ.
"ފަތުރުވެރިކަމުގެ ރަން އަހަރު 2022" ކައުންޓްޑައުން އިފްތިތާހަ ކުރީ ފުރަތަމަ ރާއްޖެއަށް ޒިޔާރަތްކުރި ފަތުރުވެރިންގެ ތެރޭގައި ހިމެނި ރާއްޖޭގެ ފަތުރުވެރިކަމުގެ ސިނާއަގެ ބިންގާ އެޅުމުގައި މުހިއްމު ދައުރެއް އަދާކުރި އިޓަލީވިލާތުގެ ޖޯޖް ކޯބިންގެ ވީޑިއޯ މެސެޖަކުންނެވެ.
ޓޫރިޒަމް މިނިސްޓްރީން ބުނީ ފަތުރުވެރިކަމުގެ ރަންއަހަރު ވަރަށް ކުލަގަދަކޮށް ފާހަގަ ކުރުމުގެ ގޮތުން ހިންގާނެ ހަރަކާތްތައް ރޭވުމުގެ މަސައްކަތްތައް ފަތުރުވެރިކަމުގެ ދާއިރާގައި ހިމެނޭ އެންމެހައި ފަރާތްތަކާއި ގުޅިގެން އެ މިނިސްޓްރީން ކުރިއަށް ގެންދާނެ ކަމަށެވެ.
