ވިޔަފާރިވެރިޔާ ލަކުޑި ސޭޓް މިއަދު ހެނދުނު އަވަހާރަވެއްޖެއެވެ.
ރާއްޖޭގައި އެންމެ ފުޅާދާއިރާގައި ލަކުޑީގެ ވިޔަފާރިކުރައްވާ އިބްރާހިމް ހަސަން (ލަކުޑި ސޭޓް)، މ، ސިމްވިލާ، މާލެ، އަކީ ޖުމްހޫރީ ޕާޓީގެ ލީޑަރު ގާސިމް އިބްރާހިމްގެ އާއިލީ ބޭފުޅެކެވެ. އޭނާއަކީ ޖޭޕީގެ ކައުންސިލް މެންބަރެއް ވެސް މެއެވެ.
އޭނާ އަވަހާރަ ވީ އިރު އުމުރަކީ 65 އަހަރެވެ. އޭނާގެ ކަށު ނަމާދު އޮންނާނީ މިއަދު އާސަހަރާ މިސްކިތުގައި އަސްރު ނަމާދަށް ފަހުގައެވެ. މިހާރު އޭނާގެ ހަށިގަނޑު އޮތީ އޭޑީކޭ ހޮސްޕިޓަލުގައެވެ.
އޭނާއަކީ މުއްސަނދި ވިޔަފާރި ވެރިއެއް ނަމަވެސް އޭނާ އުޅުއްވީ ވަރަށް އާދައިގެ ދިރިއުޅުއްވުމެކެވެ. އޭނާ އަވަހާރަވީ އިރު އަނބިކަނބަލަކާއި ފިރިހެން ބޭފުޅަކު ދުނިޔޭގައި އެބަތިއްބެ ވިއެވެ.
