ބޯޑަރު ހުޅުވިފަހުން ރާއްޖެއަށް ގިނަ ފަތުރުވެރިން ޒިޔާރަތް ކުރަމުންދާތީއާއި އެކު މިއަދާއި މާދަމާ އަކީ މައި އެއާޕޯޓު ވެލާނާ އިންޓާނޭޝަނަލްގައި އެންމެ ޓްރެފިކް އަދި ފަސިންޖަރުން ގިނަ ވާނެ ކަމަށް ބެކެވޭ ދެ ދުވަސް ކަމަށް މޯލްޑިވްސް އެއާޕޯޓްސް ކޮމްޕެނީ ލިމިޓެޑް (އެމްއޭސީއެލް) އިން ބުނެފިއެވެ.
އެމްއޭސީއެލުން ބުނީ، ކޮވިޑާ ގުޅިގެން ރާއްޖޭގެ ބޯޑަރުތައް ބަންދުކުރުމަށް ފަހު އަލުން ހުޅުވިފަހުން ހުޅުވިފަހުން މިއަދާއި މާދަމާ އަކީ މައި އެއާޕޯޓުން އެންމެ ގިނަ ޓްރެފިކް އަދި ފަސިންޖަރުން ފެންނާނެ ކަމަށް ލަފާ ކުރެވޭ ދުވަސްތައްކަމަށެވެ. ވެލާނާ އެއާޕޯޓުގައި ހިދުމަތްތައް ފޯރުކޮށް ދިނުމުގައި އެ ޓީމް އޮތީ ތައްޔާރަށް ކަމަށާއި މި ދެދުވަހުވެސް އަމާންކަމާއި އެކު އޮޕަރޭޝަންސް މަސައްކަތް ކުރިއަށް ގެންދިއުމަށް އުންމީދު ކުރާ ކަމަށް އެ ކުންފުނިން ބުނެއެވެ.
އަދި ކަމާ ގުޅުން ހުރި ތަންތަނުން އެއާޕޯޓުގައި ހިދުމަތްތައް ފުރިހަމައަށް ފޯރުކޮށް ދިނުމަށް ދެމުންދާ އެއްބާރުލުމާއި ކެތްތެރިކަމަށް ޝުކުރު އަދާކުރާ ކަމަށް ވެސް އެ ކުންފުނިން ބުނެއެވެ.
މިއަދާއި މާދަމާ އެންމެ ގިނަ ފްލައތް ޖައްސާނެ ކަމަށް ބެލެވޭ އިރު މިއަދު އަޒުރް އެއާގެ ޗާޓާޓް ފްލައިޓްތައް ވަނީ ޖައްސާފައެވެ. އެ ފްލައިޓުން ރާއްޖެއަށް 311 ޕަސިންޖަރުން ވަނީ އައިސްފައެވެ.
ރާއްޖޭގެ ބޯޑަރު ކޮވިޑް ބަލިމަޑުކަމުގެ ސަބަބުން ބަންދުކޮށް އަލުން ހުޅުވާފައިވަނީ ޖުލައި 15 ވަނަ ދުވަހު އެވެ. ބޯޑަރު ހުޅުވި ފަހުން މިހާތަނަށް ރާއްޖެއަށް 20 ފްލައިޓެއް ދަނީ ދަތުރު ކުރަމުންނެވެ.
ބޯޑަރު އަލުން ހުޅުވާލި ފަހުން މި އަހަރުގެ މިހާތަނަށް 528،065 މީހުން އައިސްފައިވެއެވެ. މިމަހުގެ 25 ވަނަ ދުވަހު ރާއްޖެ އަށް 3،000 އަށްވުރެ ގިނަ މީހުން އައިސްފައިވެއެވެ.
