އިންސާފުގެ ގާނޫނުގެ ދަށުން އެންމެ ފުރަތަމަ ދައުވާ އުފުލަން ޖެހޭނީ ރައީސް މުހައްމަދު ނަޝީދަށް ކަމަށް އިދިކޮޅު ސިޔާސީ ޕާޓީ، ޕީއެންސީގެ ރައީސް އަބްދުއްރަހީމް އަބްދުﷲ (އަދުރޭ) ވިދާޅުވެއްޖެއެވެ.
އަދުރޭ މިހެން ވިދާޅުވީ، އިއްޔެ އެމްޑީޕީ ހަރުގޭގައި ބޭއްވި ނޫސްވެރިންގެ ބައްދަލުވުމުގައި ދިވެހިރާއްޖޭގެ ޝަރުއީ ނިޒާމަކީ ރައްޔިތުން އިތުބާރު ކުރާ ނިޒާމަކަށް ހެދުމުގެ މަސައްކަތް ކުރަމުން ދާ ކަމަށާއި އެ ގޮތުން ކުށެއް ކޮށްފި މީހަކު މައާފަށް ނޭދިއްޖެ ނަމަ ޖިނާއީ ދައުވާ ފަށާއި އެމީހަކު ޖަލުގައި ހުންނަން ޖެހޭ ކަމަށް ރައްޔިތުން މަޖިލީހުގެ ރައީސް އަދި އެމްޑީޕީގެ ރައީސް މުހައްމަދު ނަޝީދު ވިދާޅުވުމާ ގުޅިގެންނެވެ.
އަދުރޭ ވިދާޅުވީ، ކްރިމިނަލް ކޯޓުގެ ކުރީގެ އިސް ގާޒީ އަބްދުﷲ މުހައްމަދު ރަހީނުކޮށް އިންސާނީ ހައްގުތަކަށް އަރައިގެންފައި ވާތީ، އިންތިގާލީ އިންސާފުގެ ގާނޫނުގެ ދަށުން އެންމެ ފުރަތަމަ ދައުވާ އުފުލަން ޖެހޭނީ ނަޝީދުގެ މައްޗަށް ކަމަށެވެ. އިންސާފުވެރިކަމާއެކު މިމައްސަލަ އަލުން ބަލަން ފުރުސަތު ދޭން ރައީސް ނަޝީދަށް ކެރިވަޑައިގަންނަވާނެ ތޯ އައްސަވާ އަދުރޭ ސުވާލު ކުރެއްވިއެވެ.
ކްރިމިނަލް ކޯޓުގެ ގާޒީ އަބްދުﷲ މުހައްމަދު ހައްޔަރު ކުރަން އަމުރު ކުރި މައްސަލައިގައި ޓެރަރިޒަމްގެ ކުށް ނަޝީދުގެ މައްޗަށް ސާބިތު 13 އަހަރަށް ޖަލަށް ލާން ހުކުމް ކުރީ 2015 ވަނަ އަހަރުއެވެ. ނަޝީދުގެ މައްޗަށް ޓެރަރިޒަމްގެ ދައުވާ އުފުލައި ހުކުމް ކުރީ ގަވާއިދާއި އުސޫލުން ބޭރުން ކަމަށް ބައިނަލްއަގްވާމީ ޖަމާއަތްތަކުން ވަނީ ބުނެފައެވެ.
ޖަލުގައި ހުންނަވަނިކޮށް އާލާސްކަންފުޅު ބޮޑުވުމުން، ނަޝީދު ބޭސްފަރުވާ އަށް ރާއްޖެ އިން ބޭރަށް ވަޑައިގަތުމަށް ހުއްދަ ދިނުމުން 2016 ޖެނުއަރީގައި އިނގިރޭސި ވިލާތަށް ވަޑައިގަތުމަށް ފަހު އިނގިރޭސި ވިލާތުން ހިމާޔަތް ހޯއްދަވައިގެން އެ ގައުމުގައި ދިރިއުޅުއްވިއެވެ. އެއަށް ފަހު ނަޝީދު ރާއްޖެއަށް ވަޑައިގަތީ ނޮވެމްބަރު 1، 2018 ގައެވެ. އެއީ ވެރިކަން ބަދަލުވި ފަހުންނެވެ.
އިންސާފުވެރި ޢަދުލުވެރި ނިޒާމެއް މިޤައުމުގައި އުފެދޭކަށްނެތް! ސަބަބުތަކެއްވޭ! އިންސާފާއި ޢަދުލު ޤާއިމްވެއްޖެނަމަ މިރާއްޖޭގެ ޕޮލިޓިޝަނުންނާއި ސިޔާސީލީޑަރުން ޖަލުތޭރި ފުރަގަހުގައި ހޭދަކުރަންޖެހޭ ދުވަސް ގިނަވާނީ. އަދި އެނިޒާމުގެތެރޭގައި މަސައްކަތްކުރާންތިބޭ ބޭކަލުންނަކީ ތާހިރު ބަޔަކަށް ހެދޭކަށްވެސްނެތް. ސަބަބަކީ އެބޭކަލުންނަށް މިނިވަންކޮށް މަސައްކަތް ނުކުރެވޭނެ. އެބޭކަލުންވެސް ބަދަލުވެގެންދާނީ ހަމައެއްބަޔަކާ މަސްހުނިވެ ދެމިއޮންނަ ސަޤާފަތަށް. 2008 ވަނައަހަރުން ފެށިގެން ދިވެހިރައްޔިތުން ހީކުރީ އާޤާނޫނު އަސާސީގެ ބާރުތަކާއިއެކު މުއައްސަސާތައް މިނިވަންވެ މަސައްކަތް ކުރާނެ ފުރުސަތުލިބި އިންސާފު ޤާއިމްވެއްޖެކަމަށް. އެހެންނަމަވެސް އެކަންދިމާވީ މުޅިންއިދިކޮޅަށް! ކޯޓްތަކުގެ ބާރުއޮތީ ވަކީ ލީޑަރެއްގެ ކޮންޓްރޯލްގައި. ފުލުހުންގެ އިދާރާ މިނިވަނެއްނުވި ދިފާޢީބާރު މިނިވަނެއްނުވި. އަދި ކޮރަޕްޝަން ކަމިޝަން ވެގެންދިޔައީ ވެރިކަމުގައި ހުރިމީހާގެ ނުފޫޒުގެ ދަށުން ހިނގާތަނަކަށް. ދައުލަތުގެ ޚަޒާނާވީ އެއްވެރިކަމަކަމުން އަނެއްވެރިކަމަށް ބަދަލުވާއިރު ޤައުމަށް ބޮޑުއާމްދަނީއެއް ލިބިފައި އެވެރިކަމެއްގެ އެކިއެކި މަޤާމްތަކުގައި އުޅުއްވި ބޭކަލުން މުއްސަދިކޮށްދޭ މަރުކަޒަކަށް. އަދިއަދާ ހަމަޔަށްވެސް ބޮޑެތި ކުންފުނިތަކުގެ ލައިބިލިޓީގެ ބޮޑުކަމާ އަޅުވާކިޔާއިރު އެކުންފުނިތައް އެހިސާބަށް އައީ މަތިންފައިސާ ބާގަނޑެއްކެޑި އޮއްސިގެން ނޫންކަމެއްނޭގޭ! ކޮންމެއަކަސް ފަޤީރުން ހަމައެފަޤީރު ޙާލަތުގައި. ރީތިބަހުން ބުނަންޖެހެނީ ދައުލަތުން ކުރާ ވައްކަން ފޮރުވުމަކީ މިޤައުމުގައި އޮތްސަޤާފަތެއް. އެންމެ ނުރައްކާތެރި ބަޔަކީ ރައްޔިތުންގެ މަޖްލީހަށް ހޮވޭ މެމްބަރުން. މިއީ ބޭނުންވާ ކަމަކަށް ބަޓަނަކަށް ފިއްތާލީމާ މިލިއަނުން ފައިސާލިބޭބައެއް. ހިތާމަޔަކީ ވޯޓްވިއްކައިގެން މުއްސަނދިވާކަން. ރޮލަކްސް 50000 ޑޮލަރުގެ ގަޑި ލަގްޒަރީ އެޕާރޓްމަންޓް މިއީ އެއްމިލިއަންނެއް ދެ މިލިއަނަކުން ކުރެވޭ ކަމެއްނޫން. ދުއްވާކާރު މިހެންގޮސް ކިޔާނެ އެއްޗެއްނެތް. މިއިންސާފު މިއޮތީ މިޤައުމުގައި.