ރައީސް އޮފީހުގެ ކުރީގެ ލީގަލް އެފެއާޒު މިނިސްޓަރު އައިޝަތު އާޒިމާ ޝަކޫރުގެ މަންމަ އަވަހާރަ ވެއްޖެއެވެ.
އާޒިމާ ވިދާޅުވީ، އޭނާގެ މަންމަ ފާތުމަތު ހުސައިން މިއަދު ހެނދުނުގެ ވަގުތެއްގައި އަވަހާރަވެފައިވާ ކަމަށެވެ. އާޒިމާގެ މަންމަގެ ޖަނާޒާ އޮންނާނީ އާސަހަރާ މިސްކިތުގައި މިއަދު އަސްރު ނަމާދަށް ފަހުގައި ކަމަށް އާޒިމާ ވިދާޅުވިއެވެ.
ފާތުމަތު ހުސައިން އަކީ އާޒިމާ ގެ އިތުރުން ސަރުކާރު ފެށިގެން އައި އިރު ހައުސިން މިނިސްޓަރެއްގެ މަގާމުގައި ހުންނެވި އައިމިނަތު އާތިފާ ޝަކޫރާއި ސަރުކާރުގެ ބޮޑެތި ކުންފުނިތަކެއްގެ މެނޭޖިން ޑިރެކްޓަރުކަން ކުރެއްވި އާތިފް ޝަކޫރާއި އާލިމް ޝަކޫރުގެ ވެސް މަންމައެވެ.
އާޒިމާގެ މަންމަ މިއަދު އަވަހާރަވެފައި ވާ އިރު އެނާގެ ބައްޕަ ވަނީ ޖުލައި 7، 2018 ގައި އަވަހާރަވެފައެވެ. އެއީ މަޝްހޫރު ލިޔުންތެރިޔާ އަބްދުއް ޝަކޫރު އަލީ (އާސްތާނާ ޝަކޫރު) އެވެ.
