ރާއްޖެ ސަރަހައްދުން ބޭރުގެ ދެ މަސްބޯޓެއް ފެނިގެން އެމްއެންޑީއެފުން ހަރަކާތްތެރި ވާން ފަށައިފިއެވެ.
އެމްއެންޑީއެފުން ބުނީ ބޭރުގެ ދެ މަސްބޯޓެއް ފެނިގެން ސިފައިން ހަރަކާތްތެރި ވަމުން ދާ ކަމަށާއި އެކަމުގެ ރިޕޯޓް ލިބިފައިވަނީ މިއަދު ހަވީރު 5:00 ހާއިރު ކަމަށެވެ.
އެ ދެ ބޯޓު ފެނިފައި ވަނީ ލ. އިސްދޫ މުލީގެ 87 މޭލު ބޭރުންނެވެ.
އެ ދެ ބޯޓުގެ މައުލޫމާތު ދީފައި ވަނީ މަސްވެރިކަމަށް ނިކުމެ އުޅުނު ދިވެހި ދޯންޏެއްގަައި ތިބި މަސްވެރިން ކަމަަށް އެމްއެންޑީއެފުން ބުނެއެވެ.
ރާއްޖެ ސަރަހައްދަށް ގަވާއިދާ ހިލާފަށް ވަދެ މަސްވެރިކަން ކުރާ ބޯޓު ސިފައިން ވަނީ މީގެ ކުރިންވެސް ހިފަހައްޓާފައެވެ.
