މަސްކިރުވަން ފެލިވަރުން ނަމްބަރު ނަގާފައިވާ ދޯނިފަހަރުގައި އެތައް ޓަނެއްގެ މަސް ބަރުކޮށް ނުކިރި ހުރިކަމުގެ މައުލޫމާތު ލިބިއްޖެއެވެ.
"ދަ ޕްރެސް" އަށް މައުލޫމާތު ދެމުން ފެލިވަރަށް މަސް ކިރަން ގޮސް މަސް ނުކިރި އޮތް ދޯންޏެއްގެ ކެޔޮޅަކު ބުނީ މިވަގުތުވެސް ފެލިވަރުގައި ގިނަ އަދަދެެއްގެ މަސްދޯނި މަސް ނުކިރި އޮތް ކަމަށާއި އޭގެ ތެރޭގައި މިދިޔަ ހަފްތާގެ އަންގާރަ ދުވަހުން ފެށިގެން އަޅާފައިވާ ދޯނިތައްވެސް ހުރި ކަމަށެވެ.
އިއްޔެގެ ނިޔަލަށް ފެލިވަރަށް މަސްކިރަން ގޮސް 50 ހަކަށް ދޯނި ނުކިރި އޮތް ކަމަށްވެސް އޭނާ ބުންޏެވެ.
އެކަމާ ގުޅިގެން ތަކުރާރުކޮށް މިފްކޯއާ ވާހަކަ ދައްކާފައިވާ ކަމަށާއި ނަމަވެސް ލިބޭނީ އަބަދުވެސް ލިބޭ "ކެޕޭސިޓީ ނެތް" ކަމަށް ބުނާ ޖަވާބު ކަމަށް އޭނާ ކިޔައިދިނެވެ.
މިދިޔަ މަހެއްހާ ދުވަހުގެ ތެރޭގައި އުތުރުގެ މަސްވެރިކަން ވަނީ އެހެން އަހަރުތަކާ އަޅާ ބަލާއިރު ވަރަށް ބޮޑަށް ތިޔާގިވެފައެވެ. މި ކަމުގެ ސަބަބުން ފެލިވަރުގައި ހުންނަ މިފްކޯގެ ފެކްޓްރީއަށް ވަނީ ބާރު ބޮޑުވެ، މަސް ކިރުމުގެ މައްސަލަތައް ބޮޑުވެގެން ގޮސްފައެވެ.
މަސްވެރިންގެ ޝަކުވާތައް ގިނަވެފައިވާ އިރު އެ މައްސަލައާ ގުޅިގެން މިފްކޯގެ ބަހެއް ހޯދާލުމަށް މަސައްކަތް ކުރި ނަމަވެސް މިފްކޯއިން އެއްވެސް ޖަވާބެއް ދީފައެއް ނުވެއެވެ.
މަސްކިރެންހުރެ މަސްވެރިންނަށް ގެއްލުންދޭން މަސްނުކިރުމަކީ ވަރަށް ދެރަކަމެއް، އަނެއްކާ ހަމަ އެހެންބާވީ!
ހައްގު މިންވަރު. ވޯޓު ދިން ހުރިހާ މަސްވެރިންނަށް ތަހުނިޔާ އާއި މުބާރިކުބާދު އަރިސްކުރަން. މާމެލާމެލީގެ ގުލްހާރުތަކުން ވެދުން ކުރަން
އަހަރެމެންނަ އިނގޭ ވާނީ މިހެކަން ރައްޔިތުން ބަޑަޖަށް ސާނެކަން ދެންތިބޭ ހޮވި މީހުން ތުބުދޮޅިދީގެން ރޮނޑަށް ދަތް ދީގެން ރާކަނިމަސްކާން ތިޔޮތީ ބޯންއުޅުނު ބޮނޑި ބޮވިފާ ދެންދޭ ބޭނިމަސްކޮޅު ކިރާލަންވަ ގުތުން ފައިސާ ދޭނެ ރައްޔިތުން ބަޑަށް ޖައްސާ ސަރުކާރު