ފުލުހުންގެ ބިލުގައިވާ ކަންކަމަކީ ވަރަށް ރަނގަޅަށް ނިންމާފައިވާ ނިންމުންތަކެއް ކަމަށް ފުލުހުންގެ ތަރުޖަމާން ޗީޕް ސްޕްރިންޓެންޑެންޓް އޮފް ޕޮލިސް ޔޫނުސް ސޮބާހު ވިދާޅުވެއްޖެއެވެ.
"ދަ ޕްރެސް" އަށް ދެއްވި އިންޓަވިއުއެއްގައި ޔޫނުސް ވިދާޅުވީ މޯލްޑިވްސް ޕޮލިސް ސާވީސުން ދެކެނީ އެ ބިލުގެ ސަބަބުން ފުލުހުންގެ ހިދުމަތައް ވަރަށް ބޮޑެތި ތަރައްގީ ތަކަކާއި ކުރިއެރުންތަކެއް އަންނާނެ ކަމަށެެވެ. ޔޫނުސް ވިދާޅުވީ އެ ބިލު މަޖިލިހަށް ހުށަހެޅިގެން ދިޔަ ހިސާބުން ފެށިގެން ފުލުހުންގެ ފަރާތުން އެ ބިލަށް ދޭން ޖެހޭ އެހިތެރިކަން ދީފައިވާނެ ކަމާށާއި އެ ބިލުގެ ތެރޭގައި ފުލުހުންގެ ބައިވެރިވުންވެސް ހިމެނޭނެކަމަށެވެ.
އެގޮތުން އޭނާ ވިދާޅުވީ އެ ބިލުގެ ސަބަބުން ފުލުހުންގެ މަސައްކަތައް ވަރަށް ބޮޑު ބަލަދެއް އަންނާނެ ކަމަށެވެ. އެއީ ޕޮލިސް ބޯޑުގެ ނަމުގައި އަލަށް އެކުލަވާލާފައިވާ ބޯޑުގެ ސަބަބުން ކަމަށް އޭނާ ވިދާޅުވިއެވެ. ސަބަބަކީ އެއީ ތަރައްގީ ވެފައިވާ ގައުމުތަކުގައި ކުރަމުން އަންނަ ކަމަކަށްވެފައި ރާއްޖޭގައިވެސް އެ މަސައްކަތް ކުރަން ފެށުން ކަމަށް ޔޫނުސް ވިދާޅުވިއެވެ.
އަދި އެ ބިލުގައި ބަޔާންކުރާ ލާމަރުކަޒީކޮށް ރައްޔިތުންނާ ގުޅިގެން ފުލުހުންގެ ހިދުމަތް ދޭން ޖެހޭނެ ކަމަށް ބަޔާންކުރާ މާއްދާއަށް ރިއާޔަތްކޮށް ޔޫނުސް ވިދާޅުވީ އެއީ ފުލުހުންގެ ފަރާތުން ވަރަށް ބޮޑަށް ތަރުހީބުދޭ ބަދަލެއް ކަމަށައި ފުލުހުންގެ މުައްސަސާއަކީ ރައްޔިތުންގެ އިތުބާރު ލިބިފައިވާ މުއައްސަސާއަކަށް ހެދުމަށްވެސް އެ ބިލުން ފުރުސަތު އޮތް ކަމަށެވެ.
ރޭގެ ވަގުތެއްގައި ރައްޔިތުންގެ މަޖިލީހުން ފާސްކުރި ފުލުހުންގެ ހިދުމަތުގެ ބިލްގައި ހިމެނި ބައެއް އިސްލާހުތަކާ ގުޅޭގޮތުން ވާހަކަ ދައްކަވަމުން ޔޫނުސް ވިދާޅުވީ އެ ބަދަލުތަކާއެކު ފުލުހުންގެ ހިދުމަތައް އިތުރު ހަރުދަނާ ކަމެއް ލިބިގެންދާނެ ކަމަށެވެ. ސަބަބަކީ ފުލުހުންގެ އެންމެ މަތީ ފަންތީގައި ތިއްބަވާ ބޭފުޅުންނާ ގުޅޭގޮތުން ރައްޔިތުންގެ ފަރާތުން އެއްވެސް ޝަކުވާއެއް ނުވަތަ ތުހުމަތެއް ނެތްކަން ކަށަވަރު ކުރެވިގެން ދާނެ ކަމަށެވެ.
އަދި އެ އިސްލާހުތަކަކީ ވަކި ފުލުހަކަށް ނުވަތަ އެ މުއައްސަސާގެ ވަކި ބަޔަކަށް އަމާޒުކޮށް ނިންމާފައިވާ އިސްލާހެއް ނޫން ކަމަށާއި އޭގެންވެސް ލިބިގެންދާނީ ފުލުހުންގެ ހިދުމަތައް އިތުރު ކުރިއެރުމެއް ކަމަށް އޭނާ ވިދާޅުވިއެވެ.
ފުލުހުންގެ ބޯޑާ ގުޅޭގޮތުން އާންމު ބައެއް ފަރާތްތަކުންނާއި އިދިކޮޅު ފަރާތްތަކުގެ ވާހަކަތަކާ ގުޅިގެން ޔޫނުސް ވިދާޅުވީ ބޯޑު މަސައްކަތް ކުރާނެ ގޮތުގެ ތަފްސީލުތައް ގާނޫނު ވުޖޫދު ވުމާއެކު ގާނޫނުގެ ތެރެއަށް އަންނާނެ ކަމަށެވެ. ނަމަވެސް ބޯޑުގެ މުޅި މާއްދާ ކިޔާލުމުން އެއީ ވަރަށް "ޕްރޮފެޝަނަލް މަސައްކަތް" ކުރާ ބޯޑެއް ކަމަށާއި އޭގެ ތެރޭގައި ފަންނީ ދާއިރާތަކުން މީހުން ހޮވުމަށް ނިންމާފައިވާކަން ފާހަގަ ކުރައްވާފައި ވެއެވެ.
ޔޫނުސް ވިދާޅުވީ ބޯޑުގެ ސަބަބުން ފުލުހުންގެ މުއައްސަސާގެ ހިންގުމަށް އެއްވެސް ކަހަލަ ސިޔާސީ ނުފޫޒެއް ނުފޯރާނެ ކަމަށެވެ.
ފުލުހުންގެ ބޯޑަށް ފެނިއްޖެނަމަ ފުލުހަކު ސިވިލް ވަޒީފާއަކަށް ބަދަލު ކުރުމުގެ އިހުތިޔާރު ލިބޭނެ ކަމަށް ބިލުގައި ބަޔާންކޮށްފައިވާ ނުކުތާއަށް ރިއާޔަތްކޮށް ޔޫނުސް ވިދާޅުވީ މުޅި ހުރިހާ މުވައްޒަފުންނާ ގުޅޭގޮތުން ބޯޑަށް އެފަދަ އިހުތިޔާރެއް ލިބިފައިވާ ކަމަށް ގަބޫލު ނުކުރައްވާ ކަމަށާއި ފުލުހުންގެ ބިލުގެ މަގްސަދަކީ މުވައްޒަފުންނާއި ގުޅޭކަންކަމާއި އެންމެ ފަހު ބަސް ބުނާނެ ފަރާތަކީ ކޮމިޝަނާ އޮފް ޕޮލިސް ކަމަށެވެ.
އަދި މިނިސްޓަރަށް ލިބިފައި ވަނީ ވަކި ބާރުތަކެއް ކަމަށާއި ބައެއް ކަންކަމުގައި ކޮމިޝަނާގެ ލަފާގެ މަތިން މިނިސްޓަރު ނިންމަވަން ޖެހޭ ކަންކަން ހުރިކަން ފާހަގަ ކުރައްވާ ވިދާޅުވީ މުވައްޒަފުންގެ ކަންތައްތަކާއި އިދާރީ ކަންކަމުގެ ބާރު ލިބިގެން ވަނީ ކޮމިޝަނާ އޮފް ޕޮލިސްއަށް ކަމަށެވެ.
ފުލުހުންގެ ބިލާގުޅޭގޮތުން އިދިކޮޅު ޕީޕީއެމްގެ ނައިބު ރައީސް އަދި ނައިފަރު ދާއިރާގެ މެންބަރު އަހުމަދު ޝިޔާމް ވިދާޅުވީ އެ ބިލުގެ ސަބަބުން ފުލުހުންގެ މުއައްސަސާ ވަރަށް ބޮޑަށް ސިޔާސީ ވާނެ ކަމަށާއި ސީން ތަކަށް ދިއުމުގެ ކުރިން ވަކި ރޭންކް ތަކެއްގެ އޮފިސަރުންގެ ހުއްދަ ހޯދަން ޖެހޭނެ ކަމަށެވެ.
އަދި އެ ބިލަކީ ދުނިޔޭގެ ތަހުޒީބު އެއްވެސް ތަނެއްގައި އަމަލު ކުރާ އުސޫލެއް ނޫން ކަމަށާއި 7 ފެބްރުއަރީ އައިއިރު ތިބި ފުލުހުންނަށް ފިޔަވަޅު އެޅުމުގެ ގޮތުން އެމްޑީޕީން "ހަސަދަ ފިލުވާލުމަށް" ރާވާފައިވާ ބިލެއް ކަމަށް ޝިޔާމް ސިފަކުރެއްވިއެވެ.
ފުލުހުންގެ ގާނޫނު އިސްލާހު ކުރަން އުޅެނީ، ފެބްރުއަރީ 7، 2012 ގައި ބަޣާވާތަކުން ވެރިކަން ވައްޓާލާފައި ވާ ކަމަށް މިހާރު ސަރުކާރު ހިންގާ ކޯލިޝަނުގެ މައި ޕަޓީ އެމްޑީޕީން ބުނަމުން އަންނަ ދަނޑިވަޅެއްގައެވެ. އަދި ފުލުހުންގެ ބިލުގެ އެންމެ ބޮޑު އެއް އަމާޒަކީ އެމްޑީޕީން ބުނާ، ފެބްރުއަރީ 7ގެ ބަޣާވާތުގައި ބައިވެރި ވި އޮފިސަރުން ވަޒީފާއިން ވަކިކުރުން ކަމަށް ގިނަ ބަޔަކު ދަނީ ބުނަމުންނެވެ.
ލާމަރުކަޒީކޮށް ރައޔިތުންނާ ގުޅިގެން މީހުންގެ އަނބިންކާރިއައްވަނުން އިތުރުވެދާނެ އެނުން އެހެންކަމެއް ވާނެހެނެއް ހީއެއްނުވޭ
ސިޔާސީ ނުވާނެ ގޮތް ނޯންނާނެ. ސިޔާސީ މީހުން ބަސް ބުނަނީ މިގައުމުގައި. އެއީ ދެން ބޮޑުކަމަކަށް ހެދިޔަސް އެކަން ހިނގާ އިންތިޒާމް
ބަލަ މި ޔޫނުސް އަކީ އެމްޑީޕީ ގެ އެކްޓިވިސްޓެކޭ ބުންޏަސް ދޮގަކަށް ނުވާނެ! އެމްޑީޕީގެ މެނިފެސްޓޯވެސް ހެދީ މީނާއާއި، ހޫދާއި އަދި ޝައުނާމެން ކަހަލަ ކުދިން ކޮޅެއް. ދެން ދޭނީ އޭ އެއްނު. މިއަދު އެހެރީ ސީދާ ގާނޫނާއި ޚިލާފަށް ވައްދާފައި، އޭނާއަކީ ރިސައިން ކުރި މީހެއް، އެހެންވިއްޔާ އޭނާ ޖެހޭނީ އަލަށް ރެކްރޫޓްވެ އައު ބެޗެއްގައި ޓްރެއިނިންގ ހަދަން. ވަން ގޮތަށް ރޭންކްތައް ތަޅަމުންދާ މީހުން ވެއްޓެނީ ވަރަށް ބާރަށް.
ޔޫނުސް ތިދައްކަވާ ވާހަކަތަކަށް ހަމަސާބަސް ހައްޤުވޭ. ތިބިލާ ބޯރޑް ސިޔާސީ ނުވާކަމުގެ ހެއްކަކަށް ވެގެންދާނެ ޔޫނުސް އައްޑޫގަ ހުރެ އެތަނުގެ އަލިފާން ރޯކުރި މައްސަލަބަލާ ހައްޤު އަދަބު ދީފިއްޔާ. މިބިލް ފުރިހަމަ ވެގެން ދިޔައީސް ފުލުންގެ ތެރޭގައި ތިބި މީހުންގެ އަނބިން ކާރިޔަށް ދާމީހުންނަށް ދޭނެ އަދަބެއް އޮތްނަމަ. މިގައުމަށް ދިމާވެފައޮތް އެންމެ ބޮޑު އެއްކަންތައް މީ.
ފިރިން ކައިރީ ބުނެބަލަ އަނބިން ކިޔަމަން ކުރުވާށޭ. އޭރުން ފުލުހަކަށް ވެސް އެހެން މީހަކަށް ވެސް ފިރިންގެ އަނބި ކައިރިޔަކަށް ނުދެވޭނެ.
ގުއިރޭތަން ބަލަން ތިބޭނަން
ފުރަތަމަ ތަރުޖަމާނަކީ ކޮންބޭފުޅެއްކަން އެނގިލައްވާތޯ؟ ތަރުޖަމާނަކީ ބޮޑު ހުޅުޖެހުމުގެ ހާދިސާ ހިންގިއިރު އައްޑޫގައި ހުރި ކޮމާންޑަރު ހަދާނެ އެއްޗެއް ހަދަން ދޫކޮށްލީ.... ކުރީއްސުރެ ހުރިހާ މަޢުލޫމާތެއް ލިބިފައި ވީ އިރުވެސް ހުޅުޖަހަން ފުރުސަތު ދިން ބޭފުޅާ... ތިކަހަލަގެ ވެރިން ހުސް ތި ދާއިރާގަ ތިބީ އޭ ރިޕޯރޓޭ ބުނީމަ ހަމަ ހިނި.........