ރަލަކީ ހުރިހާ ނުބައިކަމެއްގެ މަންމަ ކަމަށާއި މީހުން މަގު ފުރައްދަން ނޫޅުމަށް ދީނީ އިލްމުވެރިޔާ ޑރ. މުހައްމަދު އިޔާޒް ގޮވާލައްވައިފިއެވެ.
އިޔާޒް މިހެން ވިދާޅުވީ، ލޯކަލް ޓޫރިޒަމް އިތުރަށް ތަރައްގީ ކުރުމަށްޓަކައި ރާއްޖޭގެ މީހުން ދިރިއުޅޭ ރަށްރަށުގައި ބަނގުރާ ވިއްކޭނެ ގޮތެއް ހޯދަން ޖެހޭ ކަމަށް ކަނޑިތީމު ދާއިރާގެ މެންބަރު އަބްދުﷲ ޝަހީމް އަބްދުލް ހަކީމް ވިދާޅުވުމުންނެވެ. ޝަހީމް މިހެން ވިދާޅުވެފައި ވަނީ މަޖިލީހުގެ ތަޅުމުގައި މިއަދު ވާހަކަ ދައްކަވަމުންނެވެ.
ޝަހީމްގެ މި ގޮވާލެއްވުމަށް ރައްދު ދެއްވަމުން ޑރ. އިޔާޒް ވިދާޅުވީ، 24 ގަޑިއިރު ހަމައިގައި ތިބޭ ބަޔަކަށް ވާން ނޭދުނު ނަމަވެސް ހަމައިގައި ތިބެން ބޭނުންވާ މީހުން މަގު ފުރައްދަން ނޫޅުއްވުމަށެވެ. އަދި ރަލަކީ ހުރިހާ ނުބައި ކަމެއްގެ މަންމަގެ ގޮތުގައި ކީރިތި ރަސޫލާ ސިފަ ކުރައްވާފައި ވާ އެއްޗެއް ކަމަށް އޭނާ ވިދާޅުވިއެވެ.
ޝަހީމް ވިދާޅުވެފައި ވަނީ ރައްޔިތުންގެ ހާލަތު ރަނގަޅު ކުރުމަށް ރާއްޖެއަށް ވަންނަ ފައިސާ އިތުރުކުރަން ޖެހޭ ކަމަށެވެ. އާމްދަނީ ލިބޭ އެންމެ ބޮޑު މަގަކީ ޓޫރިޒަމް ކަމަށާއި ގެސްޓްހައުސް ވިޔަފާރިއާ އެކު އޭގެ މަންފާ ރައްޔިތުންނަށް ލިބެން ފަށާފައިވާ ކަމަށެވެ. އެހެންކަމުން ރަށްރަށުގައި ގެސްޓުހައުސް ވިޔަފާރި ފެށިގެން ދިޔައީމައި، އެ ރަށްތަކުގެ ރައްޔިތުން ކާފަރު ވެގެން ނުދާ ކަމަށާއި ގެސްޓްހައުސް ވިޔަފާރި ޒަމާނާ އެއްގޮތަށް ތަރައްގީ ކުރެވެން ޖެހޭ އިރު އެ ރަށްރަށުގެ ރައްޔިތުން އެ ވިޔަފާރިއާ އެކީގައި ދިރިއުޅެން ދަނީ ދަސް ކުރަމުން ކަމަށް ޝަހީމް ވިދާޅުވެފައި ވެއެވެ.
މަޖިލީހުގައި ޝަހީމް މި މޭރުމުން ވާހަކަ ދައްކަވާފައި ވާއިރު، ޓޫރިޒަމް މިނިސްޓަރު ޑރ. އަބްދުﷲ މައުސޫމް ވަނީ ރާއްޖޭގެ ސަގާފީ ޓޫރިޒަމް އާއި ހަލާލް ޓޫރިޒަމް ފުޅާކުރުމަށް މަސައްކަތް ކުރައްވަމުން ގެންދަވާ ކަމަށް ވިދާޅުވެފައެވެ. އަދި މި ވަގުތަކީ ފަތުރުވެރިކަމަށް ދިމާވެފައިވާ ގޮންޖެހުންތަކުގެ ތެރެއިން ފުރުސަތުތައް ހޯދައި، ފަތުރުވެރިކަމުގެ ވިޔަފާރީގެ އާ އުކުޅުތައް ތައާރަފް ކުރަންވީ ވަގުތު ކަމުގައި މައުސޫމް ވަނީ ވިދާޅުވެފައެވެ.
ފަތުރުވެރިކަމަކީ ރަލުން ފުޅާވާނެ އެއްޗެއްނޫން! ފަތުރުވެރިކަން ފުޅާވަނީ ފަތުރުވެރީން އިޚްތިރާމާއެކު ބަލައިގަތުމާއެކު ހޫނު މަރްޙަބާއެއް ކިއުން! އެމީހުން ދުރުރާސްތާ ދަތުރެއްގައި 18 ގަޑިއިރާއި 16 ގެވަގުތެއް ހޭދަކޮށްފައި ވަރުބަލިކަންމަތީ އައިމާ އެމީހުންގެ ޑިސްޓިނޭޝަނާއި ހަމަޔަށް ލަސްނުވެފޮނުވާލެވެންދެން އެމީހުންނާއި އަޅާލައިގެން. އެމީހުން މިޤައުމަށް އަންނަނީ ރަށުން ރާލިބެންނެތިގެން މިރާއްޖެމިއީ އެންމެމޮޅު 18ވަނަގަރުނުންފެށިގެން ރާއުފައްދައި ޢޫރުމަސް އުފައްދާތަނައް ވީމައެއްނޫން. ރިސޯރޓަށް ނުވަތަ ގެސްޓުހައުސް އަށް އާދެވޭއިރު ރިސޯރޓްމެނޭޖްމަންޓް ޓީމް އެމީހުނަށް މަރުޙަބާ ކިޔާ! ޚިދުމަތުގެ ފެންވަރު ރަގަޅުކުރަންވީ! 120 ރިސޯރޓުއޮތްއިރު ކިތައްތަނުންތޯ މެނޭޖަރފެންނަނީ! ފަތުރުވެރީންނާއި ފްރެނޑްލީ އެނވަރމަންޓެއް ނޯވޭ ގިނަތަންތާކު! އެންމެމޮޅު ލަގްޒަރީ ހޮޓާހުންނަ މުއްސަދިމީހާއެއްނޫން މޮޅީ! ފަތުރުވެރީން ތިބޭދުވަސް ކޮޅުގައި އެމީހުން ރިކްއަރމަންޓް ދަންނަންޖެހޭ! މިކަންތައް މަދުތާކުނޫނީ ނުފެނޭ! ދިވެހީންނެއްނުފެނޭ! ފޮރުވިފައިތިބޭ ބައެއް! ފަޚްރުވެރިވާކަށް ކައިރިވެސް ނުވޭ! ރާއްޖޭގައި ލޭންގްއޭޖް އިންސްޓިޓިއުޝަނެއްނެތް. މީހުންއުފައްދާނެ ހޮޓެލް ސްކޫލެއްނެތް! ހުރިތަން ނައްތާލީ. މިއީ ދިރުވާންޖެހޭ ކަންތައް! ސާފުތާހިރުކަމާއި ސޭފްޓީ މެއިންޓައިންނުކުރެވޭ! މިކަންތައް ކިޔަވައިދޭނެ ތަނެއްނެތް! އައިއެސްއޯ ޤަބޫލުކުރާވަރަށް ރިސޯޓްތަކުގެ ހެސަޕް މެއިންޓައިން ނުކުރެވޭ! މިފަދަ ކަންތައް އިސްލާޙްކުރަން ޖެހެނީ. މިކަންތައް ފުރިހަމަވާންޖެހޭ ގެސްޓްހައުސް ތަކުގައި ވެސްް. ދިވެހިރާއްޖެއާއިބެހޭ މައުލޫމާތު ދޭނެ ދިވެހީން އުފެދެންޖެހޭ! ޖީއާރއޯއިންނަށްވެސް އިންޑިއާ މީހުން ނޫނީ ބޭރުގެ އެހެންޤައުމެއްގެމީހުން.
ރީއްޗެއް ނޫނޭ ވާހަކަ ދައްކާކަށް. އަނގަ މަޑު ކުރައްވާ! ބަޔަކު ހަދައިގެން ދައްކާ ވާހަކައޭ ބުނޭ.
ބުރޯ އިޔާ... އިއްޔެ ބުރޯ ބުނީ ސަރުކާރު އޯކޭ އޭ. ލާ ދީނެއް ނުވާނެޔޭ. ބުރޯ ކޮބައިތޯ މުނާފިގުވުމަކީ
މިސަރުކާރަށް ތާއީދުކޮށްގެން ތިބެ، މީހުން މަގުފުރައްދަނީ ހަމަ ތިޔަ ބޭފޫޅުންނެވެ. ބިރުވެތި ވާށެވެ.