މިރޭ 8 ޖަހާއިރު މާލެ ކައިރީ ހަވާ އަރުވަން ނިންމާފައިވާ ކަމަށް މޯލްޑިވްސް ނެޝަނަލް ޑިފެންސް ފޯސް (އެމްއެންޑީއެފް) އިން ބުނެފިއެވެ.
އެމްއެންޑީއެފުން ބުނީ، މިރޭ ހަވާ އަރުވަން ހަމަޖެހިފައި ވަނީ މާލެ ސިޓީ އިއްޒުއްދީން ފާލަމާ ދިމާ ބޭރުން ކަނޑުގެ ސަރަހައްދުގައި ކަމަށެވެ. އަދި މިއީ ވިޔަފާރި އުސޫލުން އަމިއްލަ ފަރާތަކަށް ކޮށްދޭ ކަމެއް ކަމަށް އެމްއެންޑީޢެފުން ބުނެއެވެ. އެމްއެންޑީއެފުން ބުނީ ހަވާ އެރުވުން ކުރިއަށް ދާނީ 2 މިނެޓް ވަންދެން ކަމަށެވެ.
ވިޔަފާރި އުސޫލުން އަމިއްލަ ފަރާތަކަށް ހަވާ އެރުވުމުގެ އިވެންޓެއް ކުރިއަށް ގެންދަނީ ސިފައިންގެ ކޯޕަރޭޓިވް "ސިފްކޯ އިންނެވެ.
އެއްވެސް މުނާސަބަތަކާ ގުޅިގެން މާލެ ސިޓީގައި ނުވަތަ މާލެ ސިޓީ ކައިރީގައި ހަވާ ނާރުވާތާ އެތައް މަހެއް ވެއްޖެއެވެ. އެކި ރަސްމިއްޔާތުތަކާއި، އާ އަހަރު ފާހަގަ ކުރުމުގެ ގޮތުން ވެސް ހަވާ އަރުވާ އުޅެއެވެ.
