އުމުރުން 88 އަހަރުގެ ފިރިހެނަކު ކޮވިޑް ގައި ނިޔާވެއްޖެއެވެ.
ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން ބުނީ ނިޔާވި މީހާއަކީ ހުޅުމާލެ މެޑިކަލް ފެސިލިޓީ ގައި ފަރުވާ ދެމުންދިޔަ މީހެއް ކަމަށެވެ.
އެމީހާ ނިޔާވެފައި ވަނީ މިއަދު 03:50 ގައި ކަމަށް އެޗްޕީއޭއިން ވަނީ ބުނެފައެވެ.
މިއީ ކޮވިޑް ޖެހިގެން ރާއްޖޭގައި ނިޔާވި 39 ވަނަ މީހާ ކަމަށް އެޗްއީއޯސީން ވަނީ ކަނޑައަޅާފައެވެ.
ކޮވިޑަށް އިއްޔެ ވަނީ 71 މީހަކު ޕޮޒިޓިވް ވެފައެވެ. އޭގެ ތެރޭގައި ހިމެނެނީ ތެރޭގައި ހިމެނެނީ މާލެ ސަރަހައްދުން ޕޮޒިޓިވް ވި 60 މީހަކާއި އަތޮޅުތެރެއިން ޕޮޒިޓިވް ވި 11 މީހުންނެވެ.
ކޮވިޑަށް ޕޮޒިޓިވްވި މީހުންގެ ޖުމްލަ އަދަދު މިހާރު ވަނީ 11893 އަށް އަރާފައެވެ. އޭގެ ތެރެއިން 11،010 މީހަކު ރަނގަޅުވެފައެވެ.
މިވަގުތު މިބަލި ޖެހިފައި ތިބި މީހުންގެ އަދަދު 838 ގައި އުޅޭ އިރު، އެމީހުންގެ ތެރެއިން 56 މީހަކަށް ހޮސްޕިޓަލުގައި ދަނީ ފަރުވާ ދެމުންނެވެ. އަދި 185 މީހަކު އައިސޮލޭޝަން ފެސިލިޓީތަކުގައި އެބަތިއްބެވެ.
