ގދ. ރަތަފަންދޫގައި ދެ ބައެއްގެ ދެމެދުގައި ހިންގި މާރާމާރިއެއްގައި ދެ މީހަކަށް އަނިޔާ ވެއްޖެއެވެ.
ފުލުހުން ބުނީ އެމައްސަލަ ފުލުހުންނަށް ހުށަހަޅާފައިވަނީ ރޭ 02:30 ހާއިރު ކަމަށެވެ. އެ މައްސަލާގައި އަނިޔާ ލިބުނު މީހުންނަށް ރަތަފަންދޫ ސިއްހީ މަރުކަޒުގަ އާއި ޑރ. އަބްދުލް ސަމަދު މެމޯރިއަލް ހޮސްޕިޓަލަށް ގެންގޮސް ފަރުވާދީފައިވާ ކަމަށެވެ.
އެމައްސަލަ އާ ގުޅިގެން 21 އަހަރުގެ ދިވެހި ފިރިހެނަކާއި 28 އަހަރުގެ ދިވެހި ފިރިހެެއް ހައްޔަރުކޮށްފައިވާ ކަމަށް ފުލުހުން ވަނީ ބުނެފައެވެ. އަދި އެމައްސަލަ ތަހުގީގު ކުރަމުން އަންނަ ކަމަށް ވެސް ފުލުހުން ވަނީ ބުނެފައެވެ.
މިދިޔަ ހޯމަ ދުވަހު ވެސް މާލެ މަޖީދީ މަގު، ލެ ޓްރެފިކް ކެފޭ ކައިރީގައި ދެ ގްރޫޕެއްގެ ދެމެދުގައި ހިންގި މާރާމާރީގައި ދެ މީހެއްގެ ބޯފަޅައިގެން ގޮސް އަނިޔާވެފައިވާ މައްސަލަ ފުލުހުންނަށް ވަނީ ހުށަހަޅާފައެވެ.
މިހަތްފާ ތެރޭ މާލޭގައި މާރާމާރީއެއް ހިންގާފައި މިވަނީ ރޭ ތޫނު އެއްޗަކުން މީހަކަށް ހަމަލާދީ ޒަހަމްކޮށްލާފައިވަނިކޮށެވެ. އަދި އައްޑޫ ސިޓީގައިވެސް ވަނީ މީހަކަށް ތޫނު އެއްޗަކުން ހަމަލާދީ ޒަހަމަކޮށްލާފައެވެ. އެ ހާދިސާ ހިނގާފައިވަނީ ވެސް ދެ ގްރޫޕެއްގެ ދެމެދުގައި ހިންގި މާރާމާރިއެއްގެ ތެރެއިންނެވެ.
ތިޔަކަމުގައި ދިވެހި ފުލުހަކު ޝާމިލްވާކަމުގައި ވާހަކަ ފެތުރެމުން އެބަދޭ އެހެންކަމުން އެ މައްސަލަ ތަހުޤީޤު ކުރުމަށް ދިވެހި ފުލުހުންނަށް ގޮވާލަން. ސަބަބަކީ ފުލުހުންނަކީ ރައްޔިތުންގެ ދިފާއުގައި އައްޔަނު ކުރެވިފައިވާ ބަޔަކުކަމުގައި ވެތިބެ މިކަހަލަ ކަންކަމުގައި ބައިވެރިވެ ފުލުހުންނަށް ހުތުރު އެރުވިޔަ ދިނުމަކީ ބޮޑު ގޯހެއް! މިކަމުގައި ފުލުހެއްގެ އަތެއްވާނަމަ ހަރުކަށި ފިޔަވަޅެއް އަޅަން ޖެހޭނެ.