މާލޭގެ ވެސްޓަ ޕާކް ސަރަހައްދު ކައިރިއަށް ސްނޯކްލިންއަށް ދިޔަ ޒުވާނާގެ ހަށިގަނޑު މަރުވެފައި އޮއް ފެނިއްޖެއެވެ
އެމްއެންޑީއެފުން ބުނީ، މ. ބޮއިލިން ފިޝް، އުމުރުން 24 އަހަރުގެ ސޮފްވާން ރަޝީދު އެ ސަރަހައްދަށް ސްނޯކްލިންއަށް ގޮސް ހަބަރެއް ނުވެގެން ރިޕޯޓުކޮށްފައި ވަނީ މިއަދު ހަވީރު 4:36 ހާއިރު ކަމަށެވެ.
އެމްއެންޑީއެފުން ބުނީ އޭނާ މިއަދު ސްނޯކްލިންއަށް ދިޔައީ ހެނދުނު 11:00 ހާއިރު ކަމަށާއި އޭނާ ދިޔައީ އެކަނި ކަމަށެވެ. އަދި އޭނާ ގެއްލިގެން ރިޕޮޓު ކުރުމާ ގުޅިގެން މާލެ އޭރިއާ ކޯސްޓް ގާޑްގެ ސްކޮޑްރަންގެ ޑައިވަރުންނާ އާންމު ޑައިވަރުން އެކުވެގެން ދަނީ ހަރަކާތްތެރި ވަމުން ކަމަށް އެމްއެންޑީއެފުން ބުނެއެވެ.
މިހާރު އޭނާގެ ހަށިގަނޑު އެ ސަރަހައްދުގެ މޫދު އަޑީގައި އޮއްވާ ޑައިވަރުންނަށް ފެނިފައިވާ ކަމަށް އެމްއެންޑީއެފުން ބުނެއެވެ. އަދި މިހާރު އޭނާގެ ހަށިގަނޑު ވަނީ އައިޖީއެމްއެޗަށް ގެންދެވިފައި ކަމަށްވެސް އެމްއެންޑީއެފުން ބުނެއެވެ.
ސޮފްވާންގެ ހަށިގަނޑު ފެނިފައިވަނީ އޭނާ ހޯޑަން މަސައްކަތް ކުރަމުން ދިޔަ ޑައިވަރުންގެ ތެރެއިން އާނމްު ޑައިވަރުންގެ ގޮތުގައި ހަރަކާތްތެރިވަމުން ދިޔަ ޑައިވަރުންނަށެވެ.
