ކޮވިޑް-19 އަށް ޕޮޒިތިވްވި މީހުންގެ ތެރެއިން 127 މީހަކު ބަލިން ރަނގަޅުވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ، މިދިޔަ 24 ގަޑިއިރުތެރޭ 127 ރަނަގަޅުވުމާއެކު، މުޅިއެކު މި ބަލިން ރަނގަޅުވި މީހުންގެ އަދަދު 3915 އަށް އަރާފައިވާ ކަމަށެވެ. 3915 މީހުން ރަނގަޅުވިއިރު، މި ބައްޔަށް ޕޮޒިޓިވްވި 6370 މީހުންގެ ތެރެއިން 24 މީހަކު ވަނީ ނިޔާވެފައެވެ.
މިހާރު އެކްޓިވް ކޭސްތަކުގެ ތެރޭގައި ހިމެނެނީ 2431 މީހެކެވެ. އޭގެ ތެރެއިން 161 މީހަކު މިހާރު ވަނީ ހޮސްޕިޓަލުގައެވެ. އަދި 1355 މީހަކު އައިސޮލޭޝަން ފެސިލިޓީތަކުގައި އެބަ ތިއްބެވެ.
މިއަދު ކޮވިޑަށް ޕޮޒިޓިވްވީ 145 މީހެކެވެ. އޭ ތެރޭގައި ހިމެނެނީ، 123 ދިވެހިންނާއި، ބަންގްލަދޭޝަށް ނިސްބަތްވާ 11 މީހަކާއި އިންޑިއާގެ 3 މީހަކާއި ސްރީލަންކާގެ 5 މީހުން އަދި ނޭޕާލްގެ އެކަކާއި ޖާޕާންގެ އެކަކާއި ޖޯޑޭނިއަންގެ އެކަކެވެ. މިއަދު ޕޮޒިޓިވްވި މީހުންގެ ތެރެއިން 142 މީހަކު މާލެ ސަރަހައްދުން ޕޮޒިޓިވް ވެފައިވާއިރު، 3 މީހަކު ޕޮޒިޓިވްވީ އަތޮޅުތެރެއިންނެވެ.
މި ބައްޔަށް ފަރުވަ ކުރަމުންދާ ނުވަތަ އެކްޓިވް ކޭސްތައް އުޅެނީ މާލެ ސަރަހައްދުގެ އިތުރުން، ރާއްޖޭގެ 21 ރަށެއްގައެވެ. އަދި 10 ރިސޯޓެއްގައި ވެސް އެކްޓިވް ކޭސްތައް އުޅޭއިރު، 2 ފަތުރުވެރިންނާއި 13 ރިސޯޓް މުވައްޒަފުން ވަނީ ޕޮޒިޓިވްވެފައެވެ.
އެކްޓިވް ކޭސްތައް އުޅޭ ރަށްތަކުގެ ލިސްޓުގައި ހިމެނެނީ، ހއ. އިހަވަންދޫ، ހދ. ނާވައިދޫ، ހދ.ކުރިނބި، ނ. މިލަދޫ، ރ. ހުޅުދުއްފާރު، ބ. ކުޑަރިކިލު، ބ. ކަމަދޫ، ޅ. ނައިފަރު، ކ. ތުލުސްދޫ، ކ. ހިންމަފުށި، އދ. މާމިގިލި، ފ. ނިލަންދޫ، ވ. ކެޔޮދޫ، ވ. ތިނަދޫ، ތ. މަޑިފުށި، ތ. ވިލުފުށި، ތ. ތިމަރަފުށި، ފުވައްމުލައް ސިޓީ އަދި އައްޑޫ ސިޓީގެ ހިތަދޫ އާއި ފޭދޫއެވެ.
