ޕޮޒިޓިވް ކޭސް އަކާ ކޮންޓެކްޓު ވުމާ ގުޅިގެން ހެލްތް އިމަޖެންސީ އޮޕަރޭޝަން ސެންޓަރު (އެޗްއީއޯސީ)ގެ ތަރުޖަމާނު ޑރ. ނަޒްލާ ރަފީގު ހޯމް ކަރަންޓީނުގައި ހުންނެވި ކަމަށް އޭނާ ވިދާޅުވެއްޖެއެވެ.

ޑރ. ނަޒްލާ ކުރެއްވި ޓްވީޓެއްގައި ވިދާޅުވީ އޭނާގެ އާއިލާގެ މީހަކު ކޮވިޑަށް ޕޮޒިޓިވް ވެފައިވާ ކަމަށާއި އަދި އޭނާ އެމީހާ އާ ކޮންޓެކްޓު ވެފައިވާ ކަމަށެވެ. އަދި ގައިޑްލައިންތަކާ އެއްގޮތަށް އެކޭސް އާ ގުޅިގެން ގޭގައި ކަރަންޓީނު ވެވަޑައިގެންފައިވާ ކަމަށް ޑރ. ނަޒްލާ ވަނީ ވިދާޅުވެފައެވެ.

ހާލުކޮޅު ރަނގަޅު ކަން ފާހަގަ ކުރައްވާ ޑރ. ނަޒްލާ ވިދާޅުވީ ނޫސްވެރިންގެ ބައްދަލުވުންތަކުގައި ގޭގައި އިންނަވައިގެން ބައިވެރިވެ ވަޑައިގަންނަވާނެ ކަމަށެވެ.

ޑރ. ނަޒްލާ އަކީ އެޗްއީއޯސީގެ ތަރުޖަމާނަށް ވާއިރު އޭނާ ގެންދަވަނީ އެޗްއީއޯސީ އިން ބާއްވާ ނޫސްވެރިންގެ ބައްދަލުވުންތަކުގައި އެންމެ އިސްކޮށް ހަރަކާތްތެރިވެ ވަޑައިގަންނަވަމުންނެވެ.

ހަބަރު ކޮވިޑް-19 އެޗްޕީއޭ