އިކޮނޮމިކް މިނިސްޓަރު ފައްޔާޒް އިސްމާއީލްގެ އިތުބާރު ނެތްކަމުގެ މައްސަލަ މަޖިލީހަށް ވައްދަން ތައްޔާރު ވަމުން ދާ ކަމަށާއި، މިހާތަނަށް 20 އެމްޕީއަކު ސޮއިކުރައްވައިފި ކަމަށް މައުލޫމާތު ލިބިއްޖެއެވެ.
އިތުވާރު ހުރި މަސްދަރަކުން ބުނީ މިނިސްޓާ އޮފް އިކޮނޮމިކް ޑިވެލޮޕްމަންޓް ފައްޔާރު އިސްމާއީލްގެ އިތުބާރު ނެތް ކަމުގެ މައްސަލަ މަޖިލީހަށް ވައްދާ ލިސްޓުގައި އެންމެ ފުރަތަމަ ސޮއި ކުރެއްވީ ރައީސް މުހައްމަދު ނަޝީދު ކަމަށެވެ.
ވަޒީރެއްގެ އިތުބާރު ނެތް ކަމުގެ މައްސަލައެއް މަޖިލީހަށް ވައްދަން ބޭނުންވަނީ 14 މެންބަރުންގެ ސޮއިއެވެ. މިހާރު އަދަދު ހަމަކޮށްފައި ވާއިރު، މި ހަފްތާގައި މައްސަލަ މަޖިލީހަށް ވައްދާނެ ކަމަށްވެސް ވަނީ ހަބަރު ލިބިފައެވެ.
މިނިސްޓަރު ފައްޔާޒުގެ އިތުބާރު ނެތް ކަމުގެ މައްސަލަ މަޖިލީހަށް ވައްދާ ސީދާ ސަބަބު ސާފުވާ ގޮތް ނުވިޔަސް، ވަޒީރެއްގެ އިތުބާރު ނެތްކަމަށް ފާސް ކުރަން މަޖިލީހުގެ 43 މެންބަރުންގެ އަޣުލަބިއްޔަތު ބޭނުންވާނެއެވެ.
މިހާރު ރައްޔިތުންގެ މަޖިލީސް އެކުލެވި ފެކްޝަން ވެފައި އޮތް ގޮތަށް ބަލާއިރު، ފައްޔާރުގެ މައްޗަށް އިތުބާރު ނެތް ކަމަށް ފާސްކުރެވޭ ވަރަކަށް ވޯޓެއް ނުލިބޭނެ ކަމަށް ފައްޔާޒަށް ތާއީދު ކުރައްވާ އެމްޕީއަކު ވަނީ ވިދާޅުވެފައެވެ. އޭނާ އިތުރަށް ވިދާޅުވީ މިހާރު މަޖިލީހުގައި މެޖޯރިޓީ ހޯލްޑު ކުރަނީ ރައީސް އިބްރާހިމް މުހައްމަދު ސޯލިހު ކަމަށާއި، މަޖިލީހުގެ ރައީސް ބޭނުންފުޅު ވިޔަސް ވަޒީރެއްގެ އިތުބާރު ނެތްކަމަށް މިހާރު ފާސް ނުކުރެވޭނެ ކަމަށެވެ.
ފައްޔާޒަކީ އިކޮނޮމިކް މިނިސްޓަރަށް ވުމުގެ އިތުރުން، އެމްޑީޕީގެ ސީނިއާ މެންބަރެކެވެ. އަދި ރައީސް ސޯލިހުގެ އެންމެ އަރިސް އެއް ވަޒީރަކީވެސް ފައްޔާޒެވެ.
ބައެއްފަހަރު ހީވޭ އިދިކޮޅު ޕާޓީއެއްގެ ރޯލްވެސް އަދާކުރައްވަނީ ސްޕަރމެޖޯރިޓީ މަޖްލިސް މެމްބަރުންގެ ތެރެއިން ދެވަނަ އޮޑިއެއް ދުއްވާ އެެމްޑީޕީގެ މެމްބަރުން ކޮޅެއްހެންވެސް. ދެރަކަމެއް ސަރުކާރު ހިންގިޔަ ދިނުމުގެ ވިސްނުމެއް އަންނާން އެބަޖެހޭ. އިތުބާރު ހުރިމީހަކު ހޯދަން އެހާމެ އުނދަގޫ. ޑީއެންއޭ ޓެސްޓެއް ހަދައިގެންވެސް ނުލިބޭ!