ޖުވެނައިލް ކޯޓުގެ ގާޒީ އަބްދުލްބާރީ ޔޫސުފްގެ މައްސަލައެއް ޖުޑީޝަލް ސާވިސް ކޮމިޝަން (ޖޭސްސީ) އިން ތަހުގީގު ކުރަން ނިންނަމައިފިއެވެ.
ޖޭއެސްސީން ބުނީ، މި މައްސަލަ ތަހުގީގު ކުރަން ނިންމާފައި ވަނީ އެ ކޮމިޝަނުން މި މަހުގެ 8 ވަނަ ދުވަހު ބޭއްވި 48 ވަނަ ބައްދަލުވުމުގައި ކަމަށެވެ.
ޖޭއެސްސީން ބުނީ، ގާޒީ އަބްދުލްބާރީ ވިޔަފާރި ކުރުމުގައި އަމަލީ ގޮތުން ބައިވެރިވުމާއި އެ ވިޔަފާރިން މަންފާ ލިބި އެކަން މާލީ ބަޔާނުގައި ހާމަކޮށްފައިނުވާ ކަމަށެވެ. އެހެނކަމުން އެ މައްސަލަ ތަހުގީގު ކުރަން ނިންމާފައިވާ ކަމަށް ޖޭއެސްސީން ބުނެއެވެ.
ޖޭއެސްސީން ފަނޑިޔާރުންގެ އެކި ކަހަލަ މައްސަލަތައް ބަލަމުން އަންނަ އިރު ބައެއް ފަނޑިޔާރުންގެ ފަރާުން ގިން ސުލޫކީ މައްސަލަތަކެއް ފެންމަތިވެ ވަނީ ސަސްޕެންޑްވެސް ކޮށްފައެވެ. ހަމައެއާއެކު ބައެއް ފަނޑިޔާރުން ވަނީ މަގާމުންވެސް ވަކިކޮށްފައެވެ.
ޖޭއެސްސީން ބުނެފައި ވަނީ، ފަނޑިޔާރުންގެ ތެރޭގައި ތަފާތުކުރުމެއް ނެތި، ގާނޫނުއަސާސީއާއިި ފަނޑިޔާރުންގެ ގާނޫނާއި ފަނޑިޔާރުންގެ ސުލޫކީ މިންގަނޑު އެއީ އަސާސްކަމުގައި ބަލައިގެން ފަނޑިޔާރުންގެ މައްސލަަތައް ބަލަމުންދާނެ ކަމަށެވެ.
