ބ. ބޮޑުފިނޮލޫގައި ބިދޭސީން ހިންގި ހަމަނުޖެހުމުގެ ތެރޭގައި އެ ރަށުގައިވާ ވެހިކަލް ތަކުގެ ބިއްލޫރިތައް ތަޅާލާ، ހިފާގެންގުޅޭ ތަކެއްޗަށް ބޮޑެތި ގެއްލުންތަކެއް ދީފިއެވެ.
އެ ރަށަަށް އަރާފައިވާ ފުލުހުން ނަގާފައިވާ ފޮޓޯތަކުން ފެންނަ ގޮތުގައި ގިނަ އަދަދެއްގެ މުދަލަށް ވަނީ ބޮޑެތި ގެއްލުނަތަކެއް ދީފައެވެ.
އެގޮތުން ހެވީ ލޯޑް ވެހިކަލްތަކަށް ދީފައިވާ ބޮޑެތި ގެއްލުންތަކުގެ ތެރޭގައި އެ ވެހިކަލްތަކުގެ ބިއްލޫރިތައް ތަޅާލުމާއި ކަރަންޓް ވަޔަރިންއަށް ބޭނުންކުރާ ތަކެއްޗަށް ބޮޑެތި ގެއްލުންތަކެއް ދީފައިވެއެވެ. ވެހިކަލްތަކުގެ ލޯގަނޑުތަކާއި ލައިޓްތައްވެސް ވަނީ ތަޅާލާފައެވެ.
ހަމަ އެެހެންމެ ރަށުގެ އޮފީހުގައި ހުރި ދޮރުތަކާއި ހިފާ ގެންގުޅޭ ސާމާއި ތަކެއްޗާއި ލިޔެކިޔުންތައްވެސް ވެސް ވަނީ ހަކާލުކޮށް ގެއްލުން ދީފައެވެ.
ތަނުގެ ކަރަންޓް ވަޔަރިންތައް ހަލާކުކޮށްލާފައި ވާއިރު، މޭޒާއި ގޮނޑިފަދަ ތަކެތި ވަނީ ބޭނުން ނުކުރެވޭ ވަރަށް ހަލާކުކޮށްލާފައެވެ. ހަމަ އެހެންމެ އެއްގަމުގައި އޮތް ލޯންޗެއް ފަޅާލާފައި ވާއިރު، އެ ތަކެތީގެ އިންޖީނުގެ ކަވަރުވެސް ވަނީ ހަލާކު ކޮށްލާފައެވެ.
މީގެ އިތުރުން އެ ރަށުގައި ބޭނުން ކުރާ ބައެއް ކަރަންޓް ސާމާނު ވަޅުލާފާވާ ކަމަށާއި އެ ތަކެތި ހޯދުމަށް ފުލުހުން މަސައްކަތް ކުރަމުންދާ ކަމަށްވެސް މައުޅުމާތު ލިބެއެވެ.
ބޮޑުފިނޮޅަކީ ހަދަމުންދާ ރިސޯޓެކެވެ. އެ ރަށުގައި މަސައްކަތް ކުރަން ތިބީ 203 ބިދޭސީންނާއި 15 ދިވެހިންނެވެ. އެ 15 ދިވެހިންގެ ތެރެއިން 3 ދިވެއްސަކު ފުލުހުން ރޭ ސަލާމަތް ކޮށްފައި ވާއިރު މިއަދު ވަނީ ބާކީތިބި 12 ދިވެހިން ސަލާމަތް ކޮށްފައެވެ. އަދި އެ އެންމެންގެ ހާލުވެސް ރަނގަޅު ކަމަށް ފުލުހުން ވަނީ ބުނެފައެވެ.
މިބާވަތުގެ ކަންތައް ހިނގާއިރުގައި އެކަންތައް ހިނގަން މެދުވެރި ވުމުގެ އެންމެބޮޑު މައްސަލަޔަކަށް ވެފައިއޮންނަނީ މީހުންލައްވާ ކުރުވާ ބުރަ މަސައްކަތައް ދޭންޖެހޭ އުޖޫރަ ނުދީ އެކަންކަމާއި ވާހަކަދައްކާނެ އިދާރީމީހެއްވެސް ފެންނަން ނުހުންނާނެ. މުދަލަށް ގެއްލުންދީގެން ނުވާނެ އެއިކުށެއް. އެކަމަކު މުސާރަ ނުދީ ހިފެހެއްޓިގެން ނުވާނެ. މިއީ މިރާއްޖޭގައި ބެލިފައިނުވާ މައްސަލައެއް ޕްރައިވެޓް ކުންފުނިތަކުން މިފަދަ ކަންތައްކުރީމާ ދާނެދިމާލެއް ނުހުރޭ. ބަޔަކުމެން ލައްވާ މަސައްކަތެއް ކުރުވާއިރު އެއީ ކެޜުއަލްކޮށް ހަޔަރކޮށްފައިވީ ބަޔަކަށް ވީނަމަވެސް އެމީހުންނާއި އެގްރީމަންޓެއް ކުރެވި ރެޖިސްޓްރީ ކުރެވެންވާނެ. ފުރިހަމަޔަށް ޑޮކިއުމަންޓް ކުރެވެންޖެހޭނެ. އެހެންނަމަވެސް މިފަދަ މެގަޕްރޮޖެކްޓް ހިންގާއިރު ޕްރޮޖެކްޓް ކޮންޓްރަކްޓަރުގެ 70 އިން ސައްތަ ލޭބަރުންގެ ތިބޭނީ މަގުމަތީން ހޮވައިގެން ގޮސްތިބޭ އަމިއްލަވިސާގައި ތިބޭމީހުންނޭ ކިޔާނީ. އަމިއްލަވިސާޔަކީ ޕާސްޕޯރޓެއްހާވަރުވެސް އަތުގައި ނުތިބޭ މީހުން. ދެން އެމީހުންނަށް ލާރިކޮޅުލިބޭ ލިބެންވާ ލާރިކޮޅުގެ ބައިކުޅަބައި. ޚާއްސަކޮށް މިކަންތަކާ ކުރިމަތިވާނީ ބަނގްލަދޭޝް ބޭފުޅުންނާ. މިހާރު އަދި ޤައުމު މުޅިއަކުން ނުހުޅުވޭ. މާލޭގެ އެކިދިމާދިމާތަކުން އެމީހުުން އެތިބީ ނިކުމެ މަގެންދޭ މަގެންދޭ ކިޔަކިޔާ. އެއިގެތެރޭގައި ތިބޭނެ މަސައްކަތް ދަންނަމީހުން ވެސް ކޮންމެވެސް ބަޔަކު ގެނެސްދޯކާދީފަ ގެއްލުވައިލައިގެން އެމީހުން ތިބޭނީ. މިއީވަރަށް ދެރަކަމެއް. ރަގަޅަށް ވެއްޖެއްޔާ ތިކަންކުރާނީ ދިވެހީންނާއި ގުޅިގެން ތިރަށަށް ތަންކޮޅެއް ވަރުގަދަ ބަޔަކު އަރުވަންވެގެން. އެއިރަށް ފުލުހުންނާއި ސަރުކާރުގެ އިދާރީ ބޭފުޅުން ދުރުވާނެތާ! އެހެންނަމަވެސް ބޮޑަކަށް ހުންނާނީ ކޮންމެވެސް ސަރުކާރުގެ ނުފޫޒުއޮންނަމީހެއް. އެހިސާބުން ދޮރާށި ބަންދުވީ. ހިއުމަންޓްރެފިކިންގެ ޤާނޫނުވެސް އެހިސާބުން ފޮށާދަށަށްލެވުނީ. ވަރަށް މޮޅުވާނެ ކްރައިމް ފޮރުވާލަން. ކީއްކުރާނީ މިވާހަކަ ދެއްކިޔަސް ވާނެކަމެއް ނޮއޮންނާނެ. ކުޑަކުޑަ ޤައުމެއްގައި ބޭރުމީހުން އެކި ދިމަދިމާތަކުގައި.