އިސްރާއީލުން ހުޅަނގު އައްސޭރި ހިފުން ވާނީ، "ހަނގުރާމަ އިއުލާންކުރުން" ކަމަށް، ގައްޒާ ކޮންޓްރޯލް ކުރަމުން އަންނަ ހަމާސް ޖަމާއަތުން ބުނެފިއެވެ.
ހުޅަނގު އައްސޭރިއާއި އުރުދުވާދީ ހިފާ، އިސްރާއީލުގެ ބާރުގެ ދަށަށް ގެންދިއުމުގެ މަސައްކަތް ޖުލައި 1 ވަނަ ދުވަހުވެސް ފަށާފާނެ ކަމުގެ އިންޒާރު، ޔަހޫދީ އިސްރާއީލުގެ ޚުދުމުޚުތާރު ލީޑަރު ބެންޖަމީން ނަތަންޔާހޫ ވަނީ ދީފައެވެ. މިކަން މި ގޮތަށް ކުރުމަކީ، އެތައް މަހަކަށް ދެމިގެންދިޔަ ސިޔާސީ ހައިޖާނުގަނޑަކަށް ފަހު އިސްރާއިލުގައި އެކުލަވާލި ގުޅިފައިވާ ސަރުކާރުގެ ވައުދެކެވެ.
އިސްރާއީލުގެ މި ނިންމުމަކީ ފަލަސްތީނުގެ ރައްޔިތުންގެ އިތުރުން، އިންސާނީ ހައްގުތަކަށް ވަކާލާތު ކުރާ ޖަމިއްޔާތަކާ، ބައިނަލްއަގުވާމީ ޖަމައާއަތްތަކާ، ބައިނަލްއަގުވާމީ މުޖުތަމައުގެ އަގުލަބިއްޔަތުވެސް މިއަދު އެކަމާ ދެކޮޅު ހަދަމުން ދާ ކަމެކެވެ.
ޓީވީ މެދުވެރި ހަމާސް ޖަމާއަތުގެ ފަރާތުން ވާހަކަ ދައްކަމުން، އެ ޖަމާއަތުގެ ތަރުޖަމާނު އަބޫ އުބައިދާ ބުނީ، ހުޅަނގު އައްސޭރިއާއި އުރުދުން ވާދީ، އިސްރާއީލުގެ ދަށަށް ގެންދިއުމަކީ ހަމާސް ޖަމާއަތުން ގަބޫލުކުރާ ގޮތުގައި، ފަލަސްތީނުގެ ރައްޔިތުންނާ ދެކޮޅަށް ހަނގުރާމަ އިއުލާން ކުރުން ފަދަ ކަމެއް ކަމަށެވެ.
ތާރީހަށް ބަލާއިރު ހަމާސް ޖަމާއަތާ އިސްރާއީލާ ދެމެދު 3 ހަނގުރާމަ އެއް ކޮށްފައި އެބައޮތެވެ. އެންމެ ފަހުގެ ކުރިމަތިލުން ފެނިގެންދިޔައީ 2014 ވަނަ އަހަރުއެވެ. އެ ހަނގުރާމާގައި ފަލަސްތީނާ ވީ ފަޅިން 2251 މީހެއްގެ ފުރާނަ ގެއްލިދޔައިރު، އިސްރާއީލާ ވީ ފަޅިން މަރުވީ އެންމެ 74 މީހުންނެވެ.
ހުޅަނގު އައްސޭރީގައި ވެރިކަން ކުރަމުން އަންނަ ޕަލަސްޓީނިއަން އޮތޯރިޓީއާއި ހަމާސް ޖަމާއަތާ ދެމެދުވެސް ގުޅުމެއް ނެތެވެ.
ކަންމިހެން އޮތްއިރު އެމެރިކާގެ ތާއީދު ލިބިފައިވާ އިސްރާއީލުގެ ޕްލާނައިގެން ކުރިއަށް ހިނގައްޖެނަމަ ސަރަހައްދީ ހަމަނުޖެހުމެއް ފެށިދާނެ ކަމަށާ، މި ދަނޑީވަޅަކީ އެއްވެސް ބަޔަކު ހަނގުރާމައެއް ކުރަން ބޭނުންވާނެ ވަގުތެއް ނޫންކަން، އދއިން ވަނީ ފާހަގަކޮށްފައެވެ.
މި އިސްލާމުން ނޭކިޔާ ޓެރެރިސްޓުންނާއި ހެދި ނެތޭ މިރާއްޖޭގައިވެސް ތިބެވެން