މަގުމަތިން ހޮވި 1 ލައްކަ ރުފިޔާ ފުލުހުންނާ ހަވާލުކުރި މީހާގެ އިހްލާސްތެރިކަމުގެ އަގުވަޒަން ކޮށް، އޭނާއަށް އެއްމަސް ދުވަހުގެ ކެއުން ހިލޭ ހަމަޖައްސައިފިއެވެ.
އައްޑޫ ސިޓީ ހިތަދޫ ގައި ދިރިއުޅޭ ބަނގްލަދޭޝް ގެ ރައްޔިތެއްކަމުގައިވާ އެމް.ޑީ ކަމާލް ހޮސައިން އެރަށު މަގެއްމަތިން ހޮވި އެއްލައްކަ ރުފިޔާ ހިތަދޫ ޕޮލިސް ސްޓޭޝަނާއި ހަވާލު ކުރުމުން އޭނާގެ ތެދުވެރިކަމާއި އިހްލާސްތެރިކަން ފާހަގަކޮށް އގުވަޒަމް ކުރުމުގެ ގޮތުން އައްޑޫ ސިޓީ ހިތަދޫ ޕޮލިސް ސްޓޭޝަނުގެ ފަރާތުން އޭނާއަށް ދިނީ ހަނދާނީ ސެޓްފިކެޓަކާއި ހަދިޔާއެވެ.
އިއްޔެ ހިތަދޫ ޕޮލިސް ސްޓޭޝަނުގައި ކުރިއަށް ގެންދިޔަ ބައްދަލުވުމުގައި ފުލުހުންގެ ފަރާތުން އޭނާއަށް ހަނދާނީ ސެޓްފިކެޓާއި ހަދިޔާ ހަވާލުކޮށްދެއްވީ ސައުތު ޕޮލިސް ޑިވިޒަން ގެ ކޮމާންޑާ ޗީފް އިންސްޕެކްޓާ އޮފް ޕޮލިސް އަމީން އަބްދުލް ގައްޔޫމެވެ.
މި ބައްދަލުވުމުގައި ފައިސާގެ ވެރިފަރާތްކަމަށްވާ ދަފްތަރު ނަމްބަރު 1912، އަލީ އަބްދުއް ސައްތާރުގެ ފަރާތުންވެސް އެމް.ޑީ ކަމާލް ހޮސައިނަށް ފައިސާގެ އިނާމާއެކު އޭނާ ހިންގާ ހޮޓަލުން އެއްމަސްދުވަހުގެ ހިލޭ ކެއުން ހަމަޖައްސައި ދީފައިވެއެވެ. އަދި އެއްވެސް ދުވަހަކު ވަޒީފާއެއް ނެތިގެން ގޮސްފިނަމަ ވަޒީފާ ހަމަޖައްސައިދޭނެ ކަމަށް ބުނެފައިވެއެވެ.
މި ބައްދަލުވުމުގައި، ފައިސާ ހޮވިފަރާތް ކަމަށްވާ އެމް.ޑީ ކަމާލް ހޮސައިންއާއި ފައިސާގެ ވެރިފަރާތް ކަމަށްވާ އަލީ ޢަބްދުއްސައްތާރާއި ސައުތު ޕޮލިސް ޑިވިޝަން ކޮމާންޑަރު ޗީފް އިންސްޕެކްޓާ އޮފް ޕޮލިސް އަމީން އަބްދުލް ގައްޔޫމްގެ އިތުރުން އައްޑޫ ސިޓީ ކޮމާންޑާ ސަބް އިންސްޕެކްޓާ އޮފް ޕޮލިސް އިބްރާހިމް އިމްރާނާއި ޗީފް ސްޓޭޝަން އިންސްޕެކްޓަރު އިބްރާހިމް ބައިވެރިވެފައިވެއެވެ.
ކަމާލް ހޮސައިން އަށް މަގުމަތިން، ސިޓީ އުރައެއްގެ ތެރޭގައި އެއްލަކަ ރުފިޔާ އޮއްވާ ފެނިފައިވަނީ މި މަހުގެ 5 ވަނަ ދުވަހުގެ ހެނދުނުގެ ވަގުތެއްގައެވެ. އޭނާއަށް އެފައިސާ ފެނުމުން ހިތަދޫ ޕޮލިސް ސްޓޭޝަނާ ހަވާލުކުރުމުން ފުލުހުން ވަނީ ފައިސާތަކުގެ ވެރިފަރާތް ހޯދައި މި ޖޫންމަހުގެ 6 ވަނަ ދުވަހު މެންދުރުގެ ވަގުތެއްގައި އެފައިސާ ވެރިފަރާތަށް ރައްދުކޮށްދީފައެވެ.
ތިވެސް ދިވެެަަަަަޢްސެނަމަ ނުދޭނެ އެ ކައްޗެވެސް.. އެންމެ ކުޑަމިނުން ސާތައްޓެއްގެ މިންވަރުވަރުވެސް ނުދޭނެ ކަން ޔަގީން،،. މީހަމަ ބަންގާޅީޔެ ވީމަ މިވަރަށް ފޯރީގަ މިފާހަގަ ކޮއްލީ ސަޅިޔެއްނު..
ކުޑް ހޭވް އީޓަން ފޮ އަ ޔިއަ!!!؟؟