އިތުރު 15 ރަށެއްގައި ކުޑަކުދިންގެ ޕާކް ހެދުމަށް ބޭނުންވާ ތަކެތި ލިބިފައިވާ ކަމަށް ޔޫތް މިނިސްޓަރު އަހުމަދު މަހުލޫފް ވިދާޅުވެއްޖެއެވެ.
މިނިސްޓަރު މަހްލޫފް ކުރެއްވި ޓްވީޓެއްގައި ވިދާޅުވެފައި ވަނީ، އިތުރު 15 ރަށެއްގައި ކުޑަކުދިންގެ ޕާކް ހެދުމަށް ބޭނުންވާ ތަކެތި ލިބިފައިވާ ކަމަށެވެ. އެހެން ރަށްރަށް ބޭނުންވާ ތަކެތި ހޯދުމަށް މަސައްކަތް ކުރެވެމުން ދާ ކަމަށް ވެސް މިނިސްޓަރު މަހްލޫފް ވިދާޅުވިއެވެ.
މިހާރު ތަކެތި ލިބިފައިވާ 15 ރަށަކީ:
- ފ. މަގޫދޫ
- އދ. އޮމަދޫ
- ކ. ދިއްފުށި
- ފ. ފީއަލި
- އދ. ދަނގެތި
- އދ. ދިގުރަށް
- ކ. ކާށިދޫ
- ފ. ދަރަނބޫދޫ
- މ. ދިއްގަރު
- ހއ. ކެލާ
- ގދ. ނަޑެއްލާ
- ނ. މާފަރު
- ލ. ފޮނަދޫ
- ރ. މަޑުއްވަރީ
- އއ. ހިމަންދޫ
މިވަގުތު އެ 15 ރަށުގެ ކުޑަކުދިންގެ ޕާކު ހަދަން ބޭނުންވާ ސާމާނު ގަލޮޅު ދަނޑުގައި ހުރި ނަމަވެސް ވަރަށް އަވަހަށް އެ ރަށްތަކައް ފޮނުވުމަށް މަސައްކަތް ކުރަމުންދާ ކަމަށް ޔޫތު މިނިސްޓްރީން ބުނެއެވެ.
ކުޑަކުދިންގެ ޕާކް މަޝްރޫއަކީ ޔޫތު މިނިސްޓްރީން 50 ރަށަކަށް އަމާޒުކޮށްގެން ހިންގާ މަޝްރޫއެކެވެ. މި މަޝްރޫއުގެ ދަށުން މިހާރު ބައެއް ރަށްރަށް ވަނީ ތަކެތި ދޫކޮށްފައެވެ.
މިހާތަނަށް ދޫކުރި ރަށްރަށް؛
- ގދ. ތިނަދޫ
- ގދ. ރަތަފަންދޫ
- ބ. ކިހާދޫ
- އދ. ކުނބުރުދޫ
- އއ. ރަސްދޫ
- ތ. ކަނޑޫދޫ
- ކ. ގުޅި
- ކ. ގާފަރު
- ތ. ވަންދޫ
- ރ. ވާދޫ އަދި ހއ. ތުރާކުނެވެ.
