ރާއްޖެއިން އިތުރު 16 މީހަކަށް ކޮވިޑް ޖެހިއްޖެ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
މިރޭ ދަރުބާރުގޭގައި ބޭއްވި ނޫސްވެރިންގެ ބައްދަލްވުމުގައި ވާހަކަ ދައްވަމުން ކޮވިޑް-19ގެ ތަރުޖަމާނު މުހައްމަދު މަބުރޫކް އަޒީޒް ވިދާޅުވީ ކޮވިޑް ޖެހުނު މީހުންގެ އަދަދު މިހާރު 1106 އަށް އަރާފައިވާ ކަމަށެވެ. މިއަދު އިތުރު 16 މީހަކު އެ ބައްޔަށް ޕޮޒިޓިވް ވެފައިވާ ކަމަށް މަބުރޫކް ވިދާޅުވިއެވެ.
އޭގެ ތެރެއިން 10 މީހަކަށް ފަރުވާ ދެމުންދަނީ ހޮސްޕިޓަލްގައި އެޑްމިޓް ކޮށްގެންނެވެ. މިރޭ ގިނަ ނަތީޖާ ތަކެއް ލިބޭނެ ކަމަށް ވާއިރު އިތުރު ބަޔަކު ޕޮޒިޓިވް ވުމުގެ ފުުރުސަތު އެބައޮތް ކަމަށް މަބުރޫކް ވިދާޅުވިއެވެ.
މިހާތަނަށް 1106 މީހުންނަށް މި ބަލި ޖެހިފައި ވާއިރު، މި ބައްޔަށް ފަރުވާ ހޯދަމުން ދާ 1026 މީހަކު ވެއެވެ.
މިހާތަނަށް ރާއްޖޭގައި ކޮވިޑް-19 ޖެހުނު މީހުންގެ އަދަދު 1106 އަށް އަރާފައި ވާއިރު، ރާއްޖެއިން ކޮވިޑް ޖެހި ރަނގަޅުވި މީހުންގެ އަދަދު ވަނީ 74 އަށް އަރާފައެވެ.
މިހާތަނަށް ރާއްޖެއިން މި ބަލި ޖެހިގެން 4 މީހަކު ވަނީ މަރުވެފައެވެ. އޭގެ ތެރޭގައި ހިމެނެނީ 83 އަހަރުގެ ދިވެހި އަންހެނަކާއި 33 އަހަރުގެ ބަންގްލަދޭޝް ފިރިހެނަކާއި 80 އަހަރުގެ ދިވެހި ފިރިހެނެއްގެ އިތުރު 88 އަހަރުގެ ދިވެހި ފިރިހެނެކެވެ.
ރަށަށްދާން ހުއްދަ ނުދެވިގެން ތިއުޅެނީ ކީއްވެ؟؟؟؟ ރަށުގައި އަދި އެއްވެސް ކޭސް އެއްވެސް ނެތް!! ސަރުކާރުން ރިސްކް ނަގަން ބޭނުން ނުވަނީރަށްރަށުގައި ވައިރަހުގެ ނުރައްކަލަށް ހުށަހެޅުމުގެ ފުރުސަތު އޮތުމުން ކަމަށްވާނަމަ، އަހަރެންނަށް އަހަރެންގެ އާއިލާ މީހުން ކަރަންޓީނު ކުރެވޭނެ އިންތިޒާމު ހަމަޖެއްސޭނެ ރަށުގައި އެކަމަކު ސުވާލަކީ ސަރުކާރަށް އެކަން އެގޮތަށް ކުރަން ހުއްދަ ދެވިދާނެތޯ ؟ ރަށަށް ދިޔައިމަ 14 ދުވަސް ފަހުން މީހަކު ފޮނުވާ ޓެސްޓް ސާމްޕަލް ނަގަން. އަހަރެން މިހުރީ 1 މަސް ދުވަހު ރަށުގައި ކަރަންޓީނު ވާންޖެހުނަސް ތައްޔާރަށް.... ފަރުދީ ޒިންމާ އަށް މިވަރުން ފުދޭނެތަ؟ ސަރުކާރުގެ ބޮޑުންގެ މިހާރުވެސް ޖީބުގައި ހުންނާނެ ވަރަކަށް ރުފިޔާ، މަޖްލިސް މެމްބަރުންވެސް ހަމަ އެ ގޮތް.... ވޯޓު ހޯދަންވެސް ހަމަ އަންނަން ޖެހޭނީ މިހާރު ރަށަށްދާން އާދޭސް ކުރަމުން މިދާ ރައްޔިތުން ކައިރިއަށް އެކަން ހަނދުމަފުޅު ބަހައްޓަވައި!!!!!! އަހެރެމެން ވައިރަސް ފަތުރާކަށް ބޭނުމެއް ނޫން، ބޭނުމަކީ އާއިލާ ކައިރިއަށް ދިއުން. ނިއު ނޯމަލް ކިޔާފައި ޓުއަރިޒަމް ހުޅުވައި އޮފީސްތައް ހުޅުވައި ހަދަން ޕްލޭން ކުރާއިރު އާންމުންގެ ތެރޭގައި އާއިލާ ކައިރިއަށް ދާން ބޭނުންވާ މީހުންވެސް އުޅެ، ސަރުކާރުން ކުޅެން ގެންގުޅޭ ބަޔެއް ނޫނޭ.... ސަރުކާރުގެ ބޮޑުން މަޖްލިސް މެމްބަރުންވެސް ގިނަމީހުން އުޅެނީ އާއިލާއާއި އެކު، އާންމުންނަށް އެ ފުރުސަތު ނޯންނަންވީ ކީއްވެ؟؟؟