އިތުރު 4 މީހަކު ކޮވިޑް-19 އަށް ޕޮޒިޓިވް ވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ، މިރޭ 0:45 އާ ހަމައަށް ރާއްޖެއިން ކޮވިޑް-19 އަށް ޕޮޒިޓިވް ވެފައިވާ މީހުންގެ އަދަދު 1094 އަށް އަރާފައިވާ ކަމަށެވެ. އެޗްޕީއޭން ބުނީ މިއަދު ޕޮޒިޓިވްވީ 4 ދިވެހިން ކަމަށެވެ.
ކޭސްތަކުގެ އަދަދު 1094 އަރާފައިވާއިރު، މިއަދު މިހާތަނަށް ޕޮޒިޓިވްވެފައި ވަނީ މި 4 މީހުން އެކަންޏެވެ.
މިހާތަނަށް ރާއްޖޭގައި ކޮވިޑް-19 ޖެހުނު މީހުންގެ ތެރެއިން ރަނގަޅުވެފައިވަނީ 59 މީހެކެވެ. އަދި މިހާތަނަށް އައި އިރު ރާއްޖެއިން މި ބަލި ޖެހިގެން 4 މީހަކު ވަނީ މަރުވެފައެވެ. އޭގެތެރޭގައި ހިމެނެނީ 83 އަހަރުގެ ދިވެހި އަންހެނަކާއި 33 އަހަރުގެ ބަންގްލަދޭޝް ފިރިހެނަކާއި 80 އަހަރުގެ ދިވެހި ފިރިހެނެއްގެ އިތުރު 88 އަހަރުގެ ދިވެހި ފިރިހެނެކެވެ.
ކޮވިޑް-19 ހަލުވިކަމާއެކު ފެތުރެމުން ދިއުމާގުޅިގެން މާލެ ސަރަހައްދު ލޮކްޑައުންގެ ހާލަތަކަށް ގެނެސްފައިވާތާ މަހަކަށްވުރެ ގިނަ ދުވަސްވެއްޖެއެވެ.
ސަރުކާރުން ރިސްކް ނަގަން ބޭނުން ނުވަނީރަށްރަށުގައި ވައިރަހުގެ ނުރައްކަލަށް ހުށަހެޅުމުގެ ފުރުސަތު އޮތުމުން ކަމަށްވާނަމަ، އަހަރެންނަށް އަހަރެންގެ އާއިލާ މީހުން ކަރަންޓީނު ކުރެވޭނެ އިންތިޒާމު ހަމަޖެއްސޭނެ ރަށުގައި އެކަމަކު ސުވާލަކީ ސަރުކާރަށް އެކަން އެގޮތަށް ކުރަން ހުއްދަ ދެވިދާނެތޯ ؟ ރަށަށް ދިޔައިމަ 14 ދުވަސް ފަހުން މީހަކު ފޮނުވާ ޓެސްޓް ސާމްޕަލް ނަގަން. އަހަރެން މިހުރީ 1 މަސް ދުވަހު ރަށުގައި ކަރަންޓީނު ވާންޖެހުނަސް ތައްޔާރަށް.... ފަރުދީ ޒިންމާ އަށް މިވަރުން ފުދޭނެތަ؟ ސަރުކާރުގެ ބޮޑުންގެ މިހާރުވެސް ޖީބުގައި ހުންނާނެ ވަރަކަށް ރުފިޔާ، މަޖްލިސް މެމްބަރުންވެސް ހަމަ އެ ގޮތް.... ވޯޓު ހޯދަންވެސް ހަމަ އަންނަން ޖެހޭނީ މިހާރު ރަށަށްދާން އާދޭސް ކުރަމުން މިދާ ރައްޔިތުން ކައިރިއަށް އެކަން ހަނދުމަފުޅު ބަހައްޓަވައި!!!!!! އެހެރެމެން ވައިރަސް ފަތުރާކަށް ބޭނުމެއް ނޫން، ބޭނުމަކީ އާއިލާ ކައިރިއަށް ދިއުން. ނިއު ނޯމަލް ކިޔާފައި ޓުއަރިޒަމް ހުޅުވައި އޮފީސްތައް ހުޅުވައި ހަދަން ޕްލޭން ކުރާއިރު އާންމުންގެ ތެރޭގައި އާއިލާ ކައިރިއަށް ދާން ބޭނުންވާ މީހުންވެސް އުޅެ، ސަރުކާރުން ކުޅެން ގެންގުޅޭ ބަޔެއް ނޫނޭ.... ސަރުކާރުގެ ބޮޑުން މަޖްލިސް މެމްބަރުންވެސް ގިނަމީހުން އުޅެނީ އާއިލާއާއި އެކު، އާންމުންނަށް އެ ފުރުސަތު ނޯންނަންވީ ކީއްވެ؟؟؟