ކޮވިޑް-19ގެ ސަބަބުން ވަޒީފާ ގެއްލި، އަނބުރާ އަމިއްލަ ރަށަށް ނުދެވި ތިބި ފަރާތްތަކަށް ސަރުކާރުން ހަރަދު ދިނުމާ ބެހޭ އިސްލާހު ފާހެއް ނުވިއެވެ.
ކޮވިޑް-19ގެ ހާލަތާ ގުޅިގެން ވަޒީފާ ގެއްލި، މާލެ އައިސް ދިރިއުޅޭ ރަށަށް ނުދެވިފައި ތިބި މީހުން އެމީހުން މާލޭގައި ތިބޭ މުއްދަތުގައި ހޭދަވާ ހަރަދު ސަރުކާރުން ދިނުމަށް އެދި މަޖިލީހުގެ ހިއުމަން ރައިޓްސް އެންޑް ޖެންޑާ ކޮމިޓީއިން ތައްޔާރު ކުރި ރިޕޯޓަށް އިސްލާހު ހުށަހެޅުއްވީ ނައިފަރު ދާއިރާގެ މެމްބަރު އަހުމަދު ޝިޔާމެވެ.
މި ރިޕޯޓަށް ޝިޔާމް ހުށަހެޅުއްވި އެއް އިސްލާހަކީ ފްރޮންޓްލައިންގައި މަސައްކަތް ކުރާ ފަރާތްތަކަށް ކޮވިޑް ރިސްކް އެލަވަންސްގެ ނަމުގައި ހާއްސަ އެލަވަންސެއް ދިނުމާ ބެހޭ އިސްލާހެވެ. ދެވަނަ އިސްލާހަކީ ކޮވިޑް-19ގެ ހާލަތާއި ގުޅިގެން ވަޒީފާ ގެއްލި އަދި ލޮކްޑައުންގެ ސަބަބުން މާލޭގައި ތާށިވެފައި ތިބި މީހުންނަށް އެމީހުން މާލޭގައި ތިބޭ މުއްދަތުގައި އެމީހުންގެ އަތުން ދާ ހަރަދު ސަރުކާރުން ދިނުމަށް އެދި ހުށަހެޅި އިސްލާހެކެވެ. މި ދެ އިސްލާހުވެސް މަޖިލީހުން ފާސްވެފައި ނުވާ އިރު، އިސްލާހު ބަލައިގަންނަން ވޯޓު ދެއްވި 12 މެންބަރުންނެވެ. އަދި ނުފެންނަ ކަމަށް 40 މެމްބަރުން ވޯޓު ދެއްވާފައި ވެއެވެ.
މަޖިލީހުގެ ހިއުމަން ރައިޓްސް އެންޑް ޖެންޑާ ކޮމިޓީއިން ކޮވިޑް-19އާ ބެހޭގޮތުން ދެކޭގޮތް ކަނޑައަޅައި ތައްޔާރު ކުރި ރިޕޯޓު ވަނީ މަޖިލީހުން ފާސްކޮށްފައެވެ. އެ ރިޕޯޓަކީ އިންސާނީ ހައްގާއި ކުޑަކުދިންނާއި އަންހެނުންގެ ހައްގުތަކަށް އިސްކަން ދިނުމަށް ރިއާޔަތްކޮށް ތައްޔާރު ކޮށްފައި ވާ ތަފްސީލީ ރިޕޯޓެކެވެ.
ޖުލައިގައި އިގްތިސޯދު އަލުން ފެއްޓޭނެ ކަމަށް ޓޫރިސްޓުންނަށް ރާއްޖެ ހުޅުވައިލެވޭއިރު ފިރިމީހާ ހުރީ އޭނަގެ ރަށުގައި އަހަރެން މިހުރީ މާލޭގައި ތާށިވެފައި އޭނަ ކައިރިއަށް ދެވޭނެ ގޮތެއްނެތީމަ، މިނިސްޓަރުމެން ގޭގައި އާއިލާ ކައިރީގައި ހުރީމަ ނިމުނީދޯ؟ މިހާރުވެސް ބޭނުން ބަޔަކު ރަށްރަށަށް ފޮނުވަމުން ގެންދަނީ މީ ކޮންކަހަލަ އިންސާފެއް.... އަހަރެން ރުފިޔާ ބޭނުންވެގެން ނުބުނަން.... އަހަރެން ބޭނުންވަނީ ހަމައެކަނި ފިރިމީހާ ކައިރިއަށްދާން! ސަރުކާރަށް ރުފިޔާ ލިބޭނެ ގޮތެއް ވިއްޔާ ހެޔޮދޯ ކޮންމެ މީހަކަށް ދެރައެއް ދެވުނަސް... މީ ވަރެއްގެ ސަރުކާރެއް، އެކަމު ނަމުގައި ރައްޔިތުންގެ ކަންތައް ބަލާ! ފުރަތަމަވެސް ސަރުކާރުން އިހްމާލުވީ ދެންހަމަ އެއްކަމަކަށް ފަހު އަނެއް ކަމެއް ހަމަ ފޮރުވަމުން މަތި އޮމާން ކުރަމުން ދަނީ، ދެން ތިބުނަނީ ޕޮސިޓިވްވާ މީހުން ލަހުން ރަނގަޅުވާ ވާހަކަ: ފަހުން ގެންނަ މީހުންވެސް ހަމަ ކުރިން ތިބި މީހުން ތިބި ތަނަށް ލަންޔާ ކިހިނެއް އަވަހަށް ވަކި ރަނގަޅު ވަނީ..؟