ހުޅަނގާ ވިލާތުގެ ގައުމުތަކުގައި ޒަމާނީ ރެސްޓޯރަންޓްތަކުން މީރު ކޭމަކަށް އިންސާފު ކުރަން ބޭނުންނަމަ ދުރާލާ ބުކިންގް ހަދާ ޖެހުމަކީ އާ ކަމެއް ނޫނެވެ. ނަމަވެސް މިއަދު ދުނިޔެއަށް ކުރިމަތިލާންޖެހިފައިވާ ކޮރޯނާވައިރަސް ޑިޒީޒް (ކޮވިޑް-19) ގެ ބަލިމަޑުކަމާއެކު، ސްޕެއިންގައި މިއަހަރުގެ ހޫނު މޫސުމުގައި މޫދަށް އެރެން ބޭނުންވާ ފަރާތްތަކުން ބުކިންގް ހަދަން ޖެހޭކަން ހާމަކޮށްފިއެވެ.
ވެލްންސިއާގެ އިތުރުން އޮންނަ އަވަށަކުން ހާމަކުރި ގޮތުގައި ހޫނު މޫސުމުގެ ދުވަސްވަރު މޫދަށް އެރި ގޮނޑުދޮށުގައި ވަގުތު ހޭދަކުރުމުގެ ފުރުސަތު ކޮންމެ ދުވަހަކުވެސް ދޫކުރެވެނީ އެންމެ 5000 މީހުންނަށެވެ. މިއީ އާންމުކޮށް އެ ސަރަހައްދުގައި އެކޮމޮޑޭޓް ކުރާ މީހުންނަށްވުރެ ދެގުނަ މަދު އަދަދެކެވެ.
މޫދަށް އެރި ގޮނޑޮދޮށުން ޖާގައެއް ހޯދުމަށް މޯބައިލް ފޯނު އެޕްލިކޭޝަންއެއް މެދުވެރިކޮށް، ދުރާލާ ބުކިންގް ހަދަންޖެހެއެވެ.
މި އުސޫލުގެ ދަށުން ގޮނޑުދޮށުން ޖާގަ ދޫކުރަން ހަމަޖެހިފައިވަނީ އިޖުތިމާއީ ގައިދުރުކަމުގެ އުސޫލުތަކާ އެއްގޮތްވާ ގޮތުގެ މަތީން ކަމަށް ޚަބަރު ލިބެއެވެ.
ބުއްދިވެރި ގޮތެއް