ދައުލަތުގެ 9 އިދާރާއެއްގެ ޕްރޮސެސް އޮޑިޓެއް ކުރަމުންދާ ކަަމަށް ފިނޭންސް މިނިސްޓަރު އިބްރާހިމް އަމީރު ވިދާޅުވެއްޖެއެވެ.
މިއަދު ދަރުބާރުގޭގައި ބޭއްވި ނޫސްވެރިންގެ ބައްދަލުވުމުގައި ވާހަކަ ދައްކަވަަމުން މިނިސްޓަރު އަމީރު ވިދާޅުވީ، ކޮވިޑް-19 އާ ގުޅިގެން ސަރުކާރުން ކުރަމުންދާ ހަރަދުތަކާ ގުޅިގެން ދައުލަތުގެ އިންޓާނަލް އޮޑިޓް ފަންކްޝަންގެ ތެރެއިން މީހާރު ދަނީ ޕްރޮސެސް އޮޑިޓެއްގެ މަސައްކަތް ކުރަމުން ކަމަށެވެ.
މީގެ ތެރޭގައި މައިގަނޑު ސަމާލުކަމެއް ދީގެން އޮޑިޓް ކުރަމުން ދާނީ 9 މުއައްސަސާއެއް ކަމަށް އަމީރު ފާހަގަ ކުރެއްވިއެވެ.
އެ މުއައްސަށާތަަކަކީ؛
- މިނިސްޓްރީ އޮފް ހެލްތް
- މިނިސްޓްރީ އޮފް ޑިފެންސް
- މޯލްޑިވްސް އިމިގްރޭޝަން
- ނެޝަނަލް ޑިޒާސްޓާ މެނޭޖްމަންޓް އޮޓޯރިޓީ
- މޯލްޑިވްސް ޕޮލިސް ސާވިސް
- މިނިސްޓްރީ ފޮރިން އެފެއާޒް\
- މިނިސްޓްރީ އޮފް ޓޫރިޒަމް
- މިނިސްޓްރީ އޮފް ނެޝަނަލް ޕްލޭނިން އެންޑް އިންފްރާސްޓްރަކްޗާ
- މިނިސްޓްރީ އޮފް ޖޭންޑާ
ކޮވިޑް-19 އާ ގުޅިގެން ދައުލަތުގެ ތަފާތު އެކި މުއައްސަސާތަކުންނާއި އިދާރާތަކުން ކުރަމުން ގެންދާ މަސައްކަތްތައް ކުރެވެނީ ކޮރަޕްޝަނުގެ އަމަލުތަކުން ދުރުވެފައިވާ ވެއްޓެއްކަން ޔަގީންކުރުމަށްޓަކައި އޭސީސީގެ އިރުޝާދާ އެއްގޮތަށް، ދައުލަތުގެ ކަމާ ގުޅުން ހުރި އިދާރާ ތަކުން އިތުރަށް ސަމާލުވުމަށް ފިނޭނސް މަިނިސްތްރީން ވަނީ މީގެ ކުރިން ބުނެފައެވެ.
ހަމައެއާއެކު ކޮވިޑް-19 އާ ގުޅޭގޮތުން ކުރަމުންގެންދާ އެންމެހައި ހަރަދުތަކުގެ ތަފުސީލު، ފިނޭންސް މިނިސްޓްރީއަށް ރިޕޯޓުކުރުމަށާއި ދައުލަތުގެ މާލިއްޔަތުގެ ގަވާއިދުގައި ކަނޑައަޅާފައިވާ އިމަޖެންސީ ޕްރޮކިއުމަންޓުގެ ހާލަތްތަކުގެ ދަށުން ޕްރޮކިއުކުރާއިރު، އެކަންކަން ކުރެވެނީ ކަނޑައަޅާފައިވާ އެންމެހައި އުސޫލުތައް ފުރިހަމައަށް ތަންފީޒު ކޮށްގެންކަން ކަށަވަރުކުރުމަށް ފަހު ކަމަށް ވެސް އެ މީނިސްޓްރީން ވަނީ ބުނެފައެވެ.
ޖެންޑަދަށުން ހިނގާ ތަންތަން ވެސް ބަލަންފެނޭ
ޜަނގަޅަށް ކުރައްވާތި ބައެއް މުވައްސަސާތަކުން މެޑަލް ޖަހަން ތަންތަން އުފައްދައިގެން އެބަ ހިންގާ .. އެއްވެސް އޮއްޓަރެއް ނެތް މަސައްކަތް