ރާއްޖެއިން އިތުރު 17 މީހަކު ކޮވިޑް-19އަށް ޕޮޒިޓިވްވެފައިވާ ކަމަށް ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނެފިއެވެ.
އެޗްޕީއޭން ބުނީ 9 ބިދޭސީންނާއި 4 އިންޑިއާގެ މީހަކާއި ދިވެހި 3 މީހުން ޕޮޒިޓިވްވެފައިވާ ކަމަށެވެ. އަނެއް މީހާގެ ތަފްސީލެއް ނުލިބެއެވެ.
މައުލޫމާތު ލިބިފައިވާ ގޮތުގައި ޕޮޒިޓިވްވި ދިވެހި ތިން މީހުންނަކީ އަމާޒު ބޯއްޓު ނިސްބަތްވާ ނަރުދޫގެ ތިން މީހުންނެވެ.
ރެއާ ހަމައަށް ރާއްޖެއިން ކޮވިޑް19 އަށް ޕޮޒިޓިވް ވި މީހުންގެ އަދަދު އޮތީ 226 ގައެވެ. ނަމަވެސް މިއަދު ޕޮޒިޓިވްވި 20 މީހުންނާއެކު އެ އަދަދު ވަނީ 245 އަށް އަރާފައެވެ.
ރާއްޖޭގައި ކޮވިޑް-19 ފެނުނު ނަމަވެސް އެންމެ ފުރަތަމަ މިބަލި ފެނުނީ ރިސޯޓުތަކުގައި ޗުއްޓީ ހޭދަ ކުރުމަށް އައިސް ތިބި ފަތުރުވެރިންގެ ގައިންނެވެ. އަދި ކޮމިއުނިޓީ ސްޕްރެޑެއްގެ ގޮތުގައި މި ބަލި ރާއްޖޭގައި ފެތުރެން ފެށީ މި މަހުގެ 15 ވަނަ ދުވަހު މާލެއިން މި ބައްޔަށް މީހަކު ޕޮޒިޓިވްވުމާއި ގުޅިގެންނެވެ.
ގައުމުގެ ބޮޑެތި މަގާމުތަކުގަ ތިބޭ މީހުން އަމިއްލަ ފައިދާ އާއި އަމިއްލަ ގާތްތިމާގެ މީހުން ޓެސްޓް ކޮށް ޓެސްޓް ކުރަން ގެންގުޅޭ ކިޓްތައް ހުސްކޮށްފި، އިތުރަށް ބަލި ޖެހިދާނެތީ އެ މީހުން ސަލާމަތް ކުރަން މިހާރު ދޮގު ހަދައިގެން ހަބަރުތައް އެ ފަތުރަނީ. ކުރިންވެސް ސަރުކާރުގެ ބޮޑުން ބޭނުން ބަޔަކު ރާއްޖެއިން ބޭރުން ގެނެސް ވަގުތުން ގެއަށް ފޮނުވައިގެން ޕާޓީ ބޭއްވީ، މިހާރު މި ފެންނަނީ އެ ޕާޓީގެ ތެރެއިން މާލެތެރެއަށް ފަތުރައިގެން އުޅޭ ކަންތައް. އާންމުންގެ އެތައް ބަޔަކު މި ޖެހެނީ އެހެން ބަޔެއްގެ އިހްމާލުން ހިގައިގެން އުޅޭ ކަމަކަށް ފަރުދީ ޒިންމާއޭ ކިޔައިގެން އެ މީހަކު ހުރި ތަނެއްގައި އާއިލާ މީހުންނާ ދުރުގަ ހުންނަން..... މި ކަހަލަ ސަރުކާރެއް ބޭނުމެއް ނޫން........!!!!
ބިދޭސީން ، އިންޑިޔާ މީހުން ، ގެ ތަފާތަކީ ކޮބާ! އިންޑިޔާ މީިހުން ބާކީ ރާއްޖޭގެ ހިއްސާ ވެރިންނާ! ބައެއް ލިޔުންތެރިންގެ ސަބަބުން ދިވެހި ލިޔުންތެރިންގެ ނަން ހުތުރުވޭ