ކުޑަކުދިންގެ ހިޔާގައި އިސްލާހު ކޮށް ފިޔަވަޅު ވަގުތުން ވިޔަވަޅު އަޅަންޖެހޭ 34 ކަމެއް ފާހަގަ ވެފައި ވާ ކަމަށާއި، އެކަންކަން އިސްލާހުކޮށް ތަންފީޒުކޮށްދެއްވާނެ ކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ވިދާޅުވެއްޖެއެވެ.
ކުޑަކުދިންގެ ހިޔާއާއި، ކުޑަކުދިން ބައިތިއްބާ 3 މަރުކަޒަކުން، ކުޑަކުދިންނަށް ކުރާ އަނިޔާތަކުގެ މައްސަލަތައް ބަލާ ކޮމިޝަނަށް ފާހަގަ ކުރެވުނު ކަންކަން ރައީސް އާ ހިއްސާ ކުރުމުން، ރައީސް ވަނީ އެކަންކަން ބައްލަވާ ފިޔަވަޅު އަޅުއްވާނެ ކަމަށް ވިދާޅުވެފައެވެ.
ކުޑަކުދިންނަށް ކުރާ އަނިޔާތަކުގެ މައްސަލަތައް ބަލާ ކޮމިޝަނުން 34 މައްސަލައެއް ފާހަގަ ކޮށްފައި ވާއިރު، ކުޑަކުދިންގެ ހިޔާގައި މިހާރު ތިބި ކުދިންނާ ގުޅޭ ގޮތުންނާއި ތަނުގެ ހިންގުމާއި އާންމު ސާފުތާހިރުކަމާއި ތަނުގެ ސެކިއުރިޓީއާއި އެ މަރުކަޒުގައި ތިބި ކުދިންގެ ތައްކާތެރިކަމާ ގުޅޭ މައްސަލަތައް ހިމެނެއެވެ.
އަދި އެ މައްސަލަތަކަކީ އެތަނުގައި ތިބޭ ކުދިންގެ ސަލާމަތާ ރައްކާތެރިކަމާ ގުޅިފައިވާ މައްސަލަތަކެއް ކަމުގައި ވާތީ މިހާރުން މިހާރަށް އެ މައްސަލަތައް އިސްލާހު ކުރަން ޖެހޭ ކަމަށް އެ ކޮމިޝަނުން ވަނީ ފާހަގަ ކޮށްފައެވެ.
އެ ކޮމިޝަނުން ރައީސް އާ ހިއްސާ ކުރި ރިޕޯޓު އެކުލަވާލާފައި ވަނީ މާޗު 10 އިން 11 އަށް އެ ކޮމިޝަނުން އެ މަރުކަޒުތަކަށް ޒިޔާރަތްކޮށް ބެލުމަށް ފަހުއެވެ. އެ ރިޕޯޓުގައި ކުޑަކުދިންގެ ރައްކާތެރިކަން ކަށަވަރު ކުރުމުގެ ޒިންމާ އަދާކުރާ ދައުލަތުގެ 7 މުއައްސަސާއަކާ ބައްދަލު ކޮށް އެދާއިރާއިން އެ އިދާރާތަކުން ކުރާ މަސައްކަތްތަކާއި، ދިމާވާ ގޮންޖެހުންތައްވެސް ފާހަގަ ކޮށްފައި ވާނެ ކަމަށް އެ ކޮމިޝަނުން ނެރުނުގެ ނޫސްބަޔާނެއްގައި ބުނެއެވެ.
ކުޑަކުދިންނަށް ކުރާ އަނިޔާތަކުގެ މައްސަލަތައް ބަލާ ކޮމިޝަން އުފެދެނީ ފެބްރުއަރީ 20، 2020 ގައެވެ.
މިތާގަ މީހުންހެސްކ ކިޔާފަ މަސައް ކަތް ކުރިޔަސް އިތުރުގަޑީގަ ލާރިއެއްނުލިބޭ މި ކަމައްހައްލެއްގެނެސްދެއްވާ