ހަލުވިކަމާއެކު ފެތުރެމުންދާ ކޮރޯނާވައިރަސް ޑިޒީޒް ކޮންޓްރޯލް ކުރުމަށް ގައުމުތަކުން އަޅަމުންދާ ފިޔަވަޅުތަކަށް މާ އަވަހަށް ދޫދޭން ފަށައިފިނަމަ، ފުރާނައަށް ގެއްލުންދެނިވި ދަރަޖައަކަށް ބަލިމަޑުކަން ގަދަވެގެން ހިނގައިދާނެ ކަމުގެ އިންޒާރު، ދުނިޔޭގެ ސިއްހަތު ޖަމިއްޔާ (ޑަބްލިއު.އެޗް.އޯ)ގެ އިސްވެރިޔާ ޑރ ޓެޑްރޯޒް އެޑަނޮމް ގެބްރިޔޭސޫސް ދެއްވައިފިއެވެ.
ޑރ ޓެޑްރޯޒް ވިދާޅުވީ އިގުތިސޯދީ ގޮތުން ކިތަންމެ ބޮޑު ތަކުލީފެއް އުފުލަންޖެހުނު ކަމުގައި ވީ ނަމަވެސް، ކޮވިޑް-19އާ ގުޅިގެން އަޅާފައިވާ ހަރުކަށި ފިޔަވަޅުތަކަށް ގައުމުތަކުން ލުއި ދިނުމުގައި ވަރަށް ބޮޑަށް ސަމާލުވާންޖެހޭ ކަމަށެވެ.
ޑރ ޓެޑްރޯޒް މިފަދަ މޭރުމަކުން އިންޒާރު ދެއްވާފައި މިވަނީ، ކޮވިޑް-19ގެ އެންމެ ނުރައްކާ މަންޒިލްތަކުގައި ސިފަވެގެންދިޔަ ސްޕެއިންއާއި އިޓަލީވިލާތް ފަދަ ގައުމުތަކުން ކޮވިޑް-19އާ ދެކޮޅަށް އަޅަމުންދިޔަ ބައެއް ފިޔަވަޅުތަކަށް ދޫދޭން ފަށާފައިވާ ދަނޑިވަޅެއްގައެވެ.
ސްވިޓްޒަލަންޑްގެ ޖެނީވާގައި ހުންނަވައިގެން ކުރިއަށް ގެންދެވި ވާޗުއަލް ނޫސްވެރިންގެ ބައްދަލުވުމެއްގައި ވާހަކަދައްކަވަމުން ޑރ ޓެޑްރޯޒް ވަނީ، ވިލާތުގެ ބައެއް ގައުމުތަކުގައި އޮތް ބަލިމަޑުކަމަށް ކޮންމެވެސް ވަރެއްގެ ލުޔެއް ލިބެން ފަށާފައިވާކަން ފާހަގަކުރައްވާ، އެކަމަށް މަރުހަބާ ވިދާޅުވެފައެވެ.
ޑރ ޓެޑްރޯޒް ވިދާޅުވީ ކޮވިޑް-19 ކޮންޓްރޯލް ކުރުމަށް ގައުމުތަކުން އަޅާފައިވާ ފިޔަވަޅުތަކަށް ދޫ ދިނުމުގައި ސަރުކާރުތަކާއެކު އިސްތިރާޖުތައް އެކުލަވާލުމުގެ މަސައްކަތް ޑަބްލިއު.އެޗް.އޯއިން ކުރަމުން އަންނަ ކަމަށާ، ނަމަވެސް މިފަދަ ފިޔަވަޅުތަކަށް ދޫ ދިނުމަކީ އެހާ އަވަހަށް ކުރަންވާނެ ކަމެއް ނޫންކަމަށެވެ.
ވިލާތު ބައްރުގައި ވައިރަސް މަޑުޖެހެމުންދާކަމަށް ފެނުނު ކަމުގައި ވީ ނަމަވެސް، އެހެން ސަރަހައްދުތަކުގައި ހަލުވިކަމާއެކު ކޮވިޑް-19 ފެތުރެމުންދާކަމަށް ވިދާޅުވެ، ޑރ ޓެޑްރޯޒް ވަނީ އެފްރިކާ ބައްރުގެ ވާހަކަ ފާހަގަކުރައްވާފައެވެ. އެގޮތުން އެފްރިކާ ބައްރުގެ ފަގީރު، ރަށްފުށު ހިސާބުތަކަށްވެސް މި ބަލީގެ އަސަރު ކުރަމުންދާކަން ޑރ ޓެޑްރޯޒް ވަނީ ފާހަގަކުރައްވާފައެވެ.
ކޮވިޑް-19ގެ އަދުގެ ހާލަތަށް ބަލާއިރު ދުނިޔޭގެ އެކި ކަންކޮޅުތަކުން 210 އަކަށް ވުރެ ގިނަ ގައުމާ ސަރަހައްދުން، 1698323 މީހަކު މި ބައްޔަށް ޕޮޒިޓިވްވެފައިވާއިރު، މަރުވި މީހުންގެ އަދަދު މިހާރު ވަނީ 102696 އަށް އަރާފައެވެ.
މެލޭރިޔާ ޑްރަގަކީ އޭގެ ނުރައްކާ ބޮޑުކަމުން އެމެރިކާގެ ޑޮކްޓަރުން މަނާކުރާ ބޭހެއް.. އަދި މި އީ ކްލިނިކަލީ ކޮވިޑަށް ޓެސްޓް ނުކުރާ ބޭހެއްކަމަށް އެމެރިކާގެ ޑޮކްޓަރން ނާއި ޑަބްލިއެޗްއޯ އިން އަންގާފައިވާ ބޭހެއް. ޓްރަމްޕްޓްގެ ލަފާގެ މަތީން މިބޭސް ކައިގެން އެމެރިކާގެ އެއްތައްބަޔަކު މަރުވެއްޖެ. މިއީ ކޮވިޑަށް ކްލިނިކަލީވެސް ޓެސްޓް ނުކުރެވި ވާ ބޭހެއް، އަދި އޭގެ ފަހުން ޖަނަވާރުންނަށް ޓެސްޓުކުރާނީވެސް އަދި އޭގެ ފަހު ސްޓޭޖްގައި އިންސާނުން (ކޮންސެންޓް ހޯދައިގެން) ޓެސްޓްކުރަނީ އެހެންވެ ވަގުތު ނަގާކަމެއް މީ.. މިހާރު އީޔޫއިން ފައިސާދިނީ މިބޭސް ކޮވިޑަށް ދިވެހީން ބޭނުން ކޮށްގެން މި ޕްރޮސެސް އިންސާނުން ނަށް ބޭސްދީގެން އަވަސް ކުރަން.. ފްރާންސް ޑޮކްޓަރު އެބުނަނީ މިއީ އެފްރިކާގައި ޓެސްޓްކުރަނވީ ބޭހެއްކަަމަށް.. މާނަޔަކީ އެފްރިކާ އޭޝިޔާ އަކީ އެމީހުން އެނިމަލް ގެ ގޮތުގައި ބޭސް ޓެސްޓްކުރާ ގްރައުންޑޭ.. ކުޑަފައިސާ ކޮޅަކަށް ދިވެހީން ވިއްކާލީ.. މިއީ ވަކިބަޔަކަށް އޭގެ ބޮޑު މަންފާއެއްލިބޭތީ ދިވެހިން ވިއްކި ފަހަރެއް. މިކަން މިކުރާ މީހުންނަށް ހަލާކު ހުރި..