ފަން އައިލެންޑް ރިސޯޓްގައި ކަރަންޓީނު ކޮށްފައި ތިބި 49 މީހަކު މިއަދު ދޫކޮށްލައިފިއެވެ.
އެޗްޕީއޭއިން ބުނީ، ފަން އައިލެންޑް ރިސޯޓުގައި ކަރަންޓީން ކޮށްފައި ތިބި 49 މީހުން ދޫކޮށްލީ ކޮވިޑް-19 އަށް ޓެސްޓް ކުރުމަށްފަހު އެ އެންމެންގެ ވެސް ނަތީޖާ ނެގެޓިވް ވުމުން ކަމަށެވެ. އެމީހުން ވަނީ ކަރަންޓީނުގައި 14 ދުވަހު ބައިތިއްބާފައި ކަމަށް އެޗްޕީއޭއިން ބުނެއެވެ.
އެ އެންމެންނަކީ ރާއްޖެއިން ބޭރަށް ދަތުރުކޮށްފައިވާ މީހުންނެވެ.
ރާއްޖެއިން ބޭރުން އަންނަ ހުރިހާ އެންމެން ކަރަންޓީން ކުރަމުންގެންދާ އިރު، އެ އެންމެންވެސް ކޮވިޑް-19 އަށް ޓެސްޓް ކުރުމަށް ވަނީ ނިންމާފައެވެ.
ރާއްޖޭގައި މި ބަލި ޖެހިފައިވަނީ ޖުމްލަ 19 މީހުންނަށެވެ. އޭގެތެރެއިން މިހާރު ކޮވިޑް-19 އަށް ފަރުވާދެމުން ދަނީ ހަތަރު ދިވެހިންނަށެވެ. އެ ހަތަރު މީހުންނަކީ ވެސް އިނގިރޭސިވިލާތުން ރާއްޖެ އައި ދިވެހިންނެވެ. އެމީހުން ރާއްޖެ އައި ގޮތަށް ވެސް ތިބީ ކަރަންޓީނުގައެވެ.
