ހަލުވިކަމާއެކު ފެތުރެމުންދާ ކޮރޯނާވައިރަސް ޑިޒީޒް (ކޮވިޑް-19)ގައި މަރުވި މީހުންގެ އަދަދު 50000 އަށްވުރެ މައްޗަށް އަރައިފިއެވެ.
ލިބިފައިވާ އެންމެ ފަހުގެ މައުލޫމާތަށް ބަލާއިރު ދުނިޔޭގެ އެކި ކަންކޮޅުތަކުން 200 އަށްވުރެ ގިނަ ގައުމާ ސަރަހައްދުން މި ބަލި ފެނިފައިވާއިރު، މި ބަލީގައި މަރުވި މިހުންގެ ޖުމުލަ އަދަދު މިހާރު ވަނީ 50278 އަށް އަރާފައެވެ.
ވަކިވަކި ގައުމުތަކަށް ބަލާއިރު މިއަދު އެންމެ ގިނަ މީހުން މަރުވެގެން ރިޕޯޓްކޮށްފައިވަނީ އިޓަލީވިލާތް، ސްޕެއިން، އިނގިރޭސިވިލާތް އަދި އެމެރިކާއިންނެވެ.
މީހުން މަރުވެގެން މިއަދު އެންމެ ގިނައިން ރިޕޯޓްކުރި ގައުމުތައް
- އިޓަލީވިލާތް: 760 މިއަދު | 13915 ޖުމުލަ މަރު
- ސްޕެއިން: 616 މިއަދު | 10003 ޖުމުލަ މަރު
- އިނގިރޭސިވިލާތް: 569 މިއަދު | 2921 ޖުމުލަ މަރު
- އެމެރިކާ: 243 މިއަދު | 5345 ޖުމުލަ މަރު
ކޮވިޑް-19އަށް ޕޮޒިޓިވްވި މީހުންގެ ޖުމުލަ އަދަދު 982207 އަށް އަރާފައިވާއިރު އެކްޓިވް ކޭސް ނުވަތަ އަދިވެސް ބަލިޖެހިފައިވާ މީހުންގެ ޖުމުލަ އަދަދަކީ 725657 އެވެ. މީގެ ތެރެއިން 37207 މީހެއްގެ ހާލު ސީރިއަސް/ކުރިޓިކަލްއެވެ. ކްލޯޒްޑް ކޭސް ނުވަތަ ވަކި ގޮތަކަށް ނިމިފައިވާ ކޭސްތަކުގެ އަދަދަކީ 256550 އެވެ. މީގެ ތެރެއިން 50278 ކޭސްއަކީ މަރުގެ ކޭސްތައް ކަމަށްވާއިރު، އަނެއް 206272 ކޭހަކީ ފަރުވާ ހޯދައިގެން ރަނގަޅުވެފައިވާ ކޭސްތަކެވެ.
