މުއްދަތެއް ނެތް ގޮތަށް މުޅި ގައުމުގައި ކާފިއު އިއުލާން ކުރުމަށް ނިންމާފައިވާކަން، ތައިލޭންޑްގެ ބޮޑުވަޒީރު ޕްރާޔޫތު ޝާން-އޯ-ޝާ ހާމަކުރައްވައިފިއެވެ.
ކޮވިޑް-19ގެ ކޭސްތައް އިތުރުވަމުންދާ މިދަނޑިވަޅުގައި މުޅި ގައުމަށް ކާފިއުގެ އަމުރު އިއުލާންކޮށް ތަންފީޒުކުރަން ފަށާނީ ހުކުރު ދުވަހުން ފެށިގެން ކަމަށް މައުލޫމާތު ލިބެއެވެ.
ތައިލޭންޑްގައި ކާފިއުގެ އަމުރު ތަންފީޒު ކުރަން ހަމަޖެހިފައިވަނީ ކޮންމެ ރެއަކުވެސް 10:00 އިން ފެށިގެން ފަތިހު 04:00 ގެ ނިޔަލަށެވެ. ނަމަވެސް، މި ވަގުތުތަކުގައިވެސް އަސާސީ ހިދުމަތުގައި ހަރަކާތްތެރިވާ ފަރާތްތަކަށް އާންމު އުސޫލުން ހަރަކާތްތެރިވެ އުޅެވޭނެ ކަމަށް މައުލޫމާތު ލިބެއެވެ.
އެންމެ ފަހުގެ ތަފާސް ހިސާބުތަކަށް ބަލާއިރު ތައިލޭންޑްއިން 1875 މީހަކު ކޮވިޑް-19އަށް ޕޮޒިޓިވްވެފައިވާއިރު 15 މީހެއްގެ ފުރާނަވަނީ ގެއްލިފައެވެ.
