ހަލުވިކަމާއެކު ފެތުރެމުންދާ ކޮރޯނާވައިރަސް ޑިޒީޒް (ކޮވިޑް-19)ގެ ނުރައްކާ އެންމެ ބޮޑުވެފައިވާ އެއް ގައުމު ކަމަށްވާ ސްޕެއިންއިން މަރުވި މީހުންގެ އަދަދު 10000 އަށްވުރެ މައްޗަށް އަރައިފިއެވެ.
ސްޕެއިންގެ ސިއްހަތާ ބެހޭ ވުޒާރާއިން މިއަދު އާންމުކުރި ތަފާސް ހިސާބުތަކަށް ބަލާއިރު، ކޮވިޑް-19ގައި އެގައުމުން މަރުވި މީހުންގެ އަދަދު މިހާރު ވަނީ 10003 އަށް އަރާފައެވެ.
ފާއިތުވީ 24 ގަޑިއެއްހާއިރަށް ބަލާއިރު އެކަނިވެސް އެގައުމުން 950 މީހެއްގެ ފުރާނަވަނީ ގެއްލިފައެވެ. މިއީ 1 ދުވަހާ އެގައުމުން އެންމެ ގިނަ މީހުން މަރުވި ކަމަށް ރެކޯޑްކުރި ފަހަރުވެސް މެއެވެ.
ސްޕެއިންއިން ކޮވިޑް-19އަށް ޕޮޒިޓިވްވި މީހުންނަށް ބަލާއިރު މިއަދު އެކަނިވެސް 6120 މީހަކު ވަނީ ޕޮޒިޓިވްވެފައެވެ. މިއާއެކު ސްޕެއިންއިން ކޮވިޑް-19އަށް ޕޮޒިޓިވްވި މީހުންގެ ޖުމުލަ އަދަދު މިހާރު ވަނީ 110238 އަށް އަރާފައެވެ.
