ދުނިޔޭގެ އެކި ކަންކޮޅުތަކުގައި ހަލުވިކަމާއެކު ފެތުރެމުންދާ ކޮރޯނާވައިރަސް ޑީޒީޒް (ކޮވީޑް-19)އަށް ޕޮޒިޓިވްވި މީހުންގެ ޖުމުލަ އަދަދު 6 ލައްކައަށްވުރެ މައްޗަށް އަރައިފިއެވެ.
202 ގައުމަކާ ސަރަހައްދެއްގެ އިތުރުން 2 ކަނޑު އުޅަނދެއް ހިމެނޭ ގޮތަށް ކޮރޯނާވައިރަސް ޑިޒީޒްއަށް ޕޮޒިޓިވްވެފައިވާ މީހުންގެ ޖުމުލަ އަދަދު މިހާރު އުޅެނީ 600247ގައެވެ. މަރުވި މީހުންގެ އަދަދު 27481 އަށް އަރާފައިވާއިރު، ފަރުވާ ހޯދައިގެން ރަނގަޅުވި މީހުންގެ އަދަދު 137986 އަށް އަރައެވެ.
ކޮވިޑް-19ގެ ކޭސްތައް އެންމެ ގިނައިން ފެނިފައިވާ/ފެންނަމުންދާ 10 ގައުމު
- އެމެރިކާ: 104849 ކޭސް | 1753 މަރު
- އިޓަލީވިލާތް: 86498 ކޭސް | 9134 މަރު
- ޗައިނާ: 81395 ކޭސް | 3295 މަރު
- ސްޕެއިން: 65719 ކޭސް | 5138 މަރު
- ޖަރުމަނުވިލާތް: 53340 ކޭސް | 395 މަރު
- ފަރަންސޭސިވިލާތް: 33414 ކޭސް | 1995 މަރު
- އީރާނު: 32332 ކޭސް | 2378 މަރު
- އިނގިރޭސިވިލާތް: 14751 ކޭސް | 769 މަރު
- ސުވިޓްޒަލަންޑް: 12928 ކޭސް | 231 މަރު
- ދެކުނު ކޮރެޔާ: 9478 ކޭސް | 147 މަރު
ކޮރޯނާވައިރަސް ފެތުރުން ކޮންޓްރޯލް ކުރުމަށް ބައިނަލްއަގުވާމީ ފެންވަރުގައި އެކި ގައުމުތަކުން ގިނަ ފިޔަވަޅުތަކެއް އަޅަމުންދާއިރު، ދުނިޔޭގެ އާބާދީގެ 1 ބިލިއަނަށްވުރެ ގިނަ މީހުން މިވަގުތު ތިބީ ލޮކްޑައުން ހާލަތުގައެވެ.
