ފަން ރައްކާކޮށްފައި ހުރި ގުދަނެއްގައި ރޯވެ ޕާމްބީޗް ރިސޯޓުގައި މިރޭ އަލިފާނުގެ ހާދިސާއެއް ހިނގައިފިއެވެ.
އެންމެންޑީއެފުން ދާދި ދެންމެ ބުނީ، ރޯވި އަލިފާން މިހާރު ނިއްވަލެވިފައި ވާކަމަށެވެ.
މިރޭ ރޯވި އަލިފާނުގައި މީހަކަށް ގެއްލުމެއް ނުލިބޭ ކަމަށް 'ދަ ޕްރެސް' އަށް ވަނީ މައުލޫމާތު ލިބިފައެވެ.
މިހާދިސާއާ ގުޅިގެން ފުލުހުން ބުނީ، އަލިފާން ރޯވި ކަމުގެ މައުލޫމާތު ފުލުހުންނަށް ލިބުނީ މިރޭ 10 ޖެހިފަހުން ކަމަށާއި، އެ ރަށުގައި ހަރަކާތްތެރިވަމުން ދާ ކަމަށެވެ.
މިދުވަސްވަރަކީ، ނިއު އިޔާއަށް ރިސޯޓުތައް ފުލްކޮށް އޮތް ދުވަސްވަރެކެވެ. އަދި ހުރިހާ ރިސޯޓެއްގައިވެސް ނިއު އިޔާ ފާހަގަ ކުރުމުގެ ތައްޔާރީތައްވެސް ދަނީ ކުރިއަށެވެ.
