އެމްޑީޕީ އަށް ނައިބު ރައީސަކު ހޮވުމަށް މިދިޔަ ހުކުރު ދުވަހު ބޭއްވި އިންތިހާބުގެ ނަތީޖާ ގަބޫލުނުކުރައްވާ ކަމަށް ހިތަދޫ އުތުރު ދާއިރާގެ މެންބަރު މުހައްމަދު އަސްލަމް ވިދާޅުވެއްޖެއެވެ
އަސްލަމް މީޑިއާއަކަށް ދެއްވި އިންޓަވިއުއެއްގައި ވިދާޅުވީ، ނަތީޖާ ގަބޫލު ނުކުރައް ވާކަން އެމްޑީޕީ އަށް ވެސް މިހާރު އަންގާފައި ވާނެ ކަމަށާއި ނަތީޖާ ގަބޫލު ނުކުރައްވަނީ ވޯޓުގެ ކަންކަމުގައި އޮޅުވާލުންތަކާއި އެހެންވެސް ބައެއް ކަހަލަ ޝައްކު އުފެދޭ ކަންތައްތަކެއް ހުރި ކަމަށް ގަބޫލުކުރެއްވޭތީ ކަމަށެވެ.
ނަމަވެސް، މިކަމާ ބެހޭގޮތުން އެމްޑީޕީން އަދި މިހާތަނަށް ވަކި އެއްޗެއް ހާމަކޮށްފައެއް ނުވެއެވެ.
މިދިޔަ ހުކުރު ދުވަހު ބޭއްވި އެ ޕާޓީގެ އިންތިހާބުގައި އެޕާޓީގެ ރައީސް ނަޝީދު ދެވަނަ ދައުރަކަށް އިންތިހާބު ކުރި އިރު އެ މަގާމަށް ކުރިމަތިލެއްވީ ވެސް އެމަނިކުފާނު އެކަންޏެވެ. އަދި ނައިބު ރައީސްކަމަށް ވާދަކުރެއްވީ މިހާރު ވެސް އެ މަގާމު ފުރުއްވާ ޝިފާޒް އަދި އަސްލަމެވެ.
ހުކުރު ދުވަހު 2:00 ފެށިގެން އިރޮއޮއްސި 7:00 ޖެހުމާއި ހަމައަށް މި އިންތިހާބުގައި ވޯޓުލުން ކުރިއަށް ގެންގޮސްފައި ވާއިރު، ތޭވީސް ހާހަށްވުރެ ގިނަ މީހުން ވޯޓު ލާފައިވެއެވެ. އިންތިހާބުގެ ވަގުތީ ނަތީޖާ ދައްކާ ގޮތުން ރައީސް މުހައްމަދު ނަޝީދު ދެވަނަ ދައުރަކަށް ހޮވަން ފެންނަ ކަމަށް ވޯޓް ދީފައި ވަނީ 23،396 މީހުންނެވެ. އަދި ނައިބު ރައީސް ކަމަށް ކުރިމަތިލެއްވި ޝިފާޒަށް 13،233 މީހުން ވޯޓް ދީފައި ވާއިރު، އަސްލަމަށް ލިބިފައިވަނީ 9957 ވޯޓެވެ.
އެމްޑީޕީގެ އެތެރޭގެ އިންތިހާބުގައި، އެ ޕާޓީގެ ރަޖިސްޓްރީގައި ތިބި 87،439 މީހުންނަށް ވޯޓުލުމުގެ ހައްގު ލިބިގެންވެއެވެ.
ޔާމިނު ނަންވާނީ ބަލިވީމަ ގަބޫލުނުކުރާނެ