ނ. ކެނދިކުޅުދޫގައި އަންހެނަކު ސައިކަލަކުން ވެއްޓި ނިޔާވެއްޖެއެވެ. ނިޔާވެފައި ވަނީ އުމުރުން 40 އަހަރުގެ ސަމްސިއްޔާ ޔޫސުފެއެވެ. އޭނާގެ ހަށިގަނޑު މިހާރު ވަނީ ފުލުހުންގެ ބެލުމުގެ ދަށުގައެވެ.
ނ. ކެނދިކުޅުދޫ ސިއްހީ މަރުކަޒުން ވާހަކަ ދެއްކި މީހަކު ބުނީ ސަމްސިއްޔާގެ ހަށިގަނޑު މަރުކަޒަށް ގެންގޮސްފައިވާ ކަމަށާއި، ފުލުހުން މިހާރު ތަހުގީގު ކުރަމުން ދާ ކަމަށެވެ.
މިކަމާ ގުޅިގެން ފުލުހުން އަދި އެއްވެސް އެއްޗެއް ނުބުނެއެވެ.
މިހާދިސާ ހިނގަން މެދުވެރިވީ އެރަށު ކެނދިކޮޅު އަވަށުން ކުޅުދޫ އަވަށަށް ބާރު ސްޕީޑުގައި ސައިކަލުގައި ދަނިކޮށް ސައިކަލު ކަހާލައިގެން ވެއްޓިގެން ކަމަށް ވަނީ މައުލޫމާތު ލިބިފައެވެ. އޭނާ ނިޔާވީ މިރޭ މަޣުރިބު ނަމާދަށް ފަހުގައިކަމަށް 'ދަ ޕްރެސް' އަށް މައުލޫމާތު ދިން ފަރާތުން ވަނީ ބުނެފައެވެ.
ސަމްސިއްޔާގެ ފިރިއަކާއި 6 އަހަރުގެ ކުއްޖެއްގެ އިތުރުން 10 އަހަރުގެ ކުއްޖަކު ހުރެއެވެ.
