ސައިން ލެންގްއޭޖް ދުވަސް ފާހަގަ ކުރުމުގެ ގޮތުން މަންމަން ބަހުން ފުލުހުންގެ މުހިންމު މެސެޖެއް ދީފިއެވެ.
ފުލުހުންގެ ތަރުޖަމާނު އިޒްމިއާ ޒާހިރު ފީޗާކޮށް، ފުލުހުންގެ ރަސްމީ ޓްވިޓާ އެކައުންޓުގައި އާންމު ކުރި ވީޑިއޯ ގައި ބުނަނީ، މޯލްޑިވްސް ޕޮލިސް ސާވިސް އިން މިހާތަނަށް މަންމަނު ބަހުން ވާހަކަ ދައްކަން ދަންނަ 34 އޮފިސަރުން ތަމްރީނު ކޮށްފައިވާ ކަމަށެވެ.
2019 އިން 2024 އަށް ފުުލުހުން އުފައްދާފައިވާ ސްޓްރެޖެޓިކް ޕްލޭނުގައި "އީޒް އޮފް އެކްސެސް ޓް ސާވިސަސް" ޕްރޮޖެކްޓުގެ ދަށުން އިތުރު އޮފިސަރުން މަންމަނު ބަހުން ވާހަކަ ދެއްކުމަށް ތަމްރީނު ކުރުމަށް ހިމެނިފައިވާ ކަމަށް އިޒްމިއާ ވިދާޅުވިއެވެ.
ރައްޔިތުންނަށް ހިދުމަތް ކޮށްދިނުމުގެ އިތުރުން ފުލުހުންނަކީ ރާއްޖޭގައި ހިންގާ އިޖުތިމާއީ ގިނަ ހަރަކާތްތަކުގައި ފުޅާ ދައުރެއް އަދާ ކުރާ ބައެކެވެ. އެގޮތުން އުމުރުން ދުވަސްވީ މީހުންނަށް އަޅާލުމާއި އަދި ކުޑަކުދިންނަށް އެމީހުންގެ އޯގާތެރިކަން ފޯރުކޮށްދިނުމުގެ އިތުރުން ހާއްސަ އެހީއަށް ބޭނުންވާ މީހުންނާއި ކުދިންނަށް އެހީވުމުގައި ފުލުހުންނަކީ ކުރީ ސަފުގައި ވިދާލާ ބައެކެެވެ.
