ބާޒާރު މަތީ މާރުކޭޓު ސަރަހައްދުގައި ހުންނަ އާންމު ފާހާނާ ބަރީގައި ބޮޑުތަޅު އަޅުވައިފިއެވެ. ސިޓީކައުންސިލުން އެކަން ކޮށްފައިވަނީ ފުލުހުންގެވެސް އެހީތެރިކަމާއެކު ކަން ވަނީ އެނގިފައެވެ.

ބިދޭސީން މަސައްކަތް ކުރާ ބޯ ކޮށާ ތަނެއް އެ ފާހާނާ ބަރީގެ އެތެރޭގައި ހިންގާ ވާހަކަ 'ދަޕްރެސް' ނޫހުގައި މިދިޔަ ހުކުރު ދުވަހު ވާނީ ޝާއިއުކޮށްފައެވެ. އެ ރިޕޯޓުގައި ބިދޭސީން އެތާނގައި މަސައްކަތް ކުރަމުން ދާ ގޮތާއި އެ ތަނުގެ ވެރިން އެމީހުނަށް ނޭނގޭ ކަމަށްވެސް ބުނެފައި އޮންނާނެއެވެ.

'ދަޕްރެސް'ގެ ނޫސްވެރިން އެ ސަރަހައްދަށް ދިޔަ އިރު އެތާނގައި ތަޅުލައިފައި ހުރުމުން އެކަން ކުރަމުން ދިޔަ ވަގުތުގެ ފޮޓޯއެއް ލިބޭގޮތް ވަނީ ނުވެފައެވެ.

https://thepress.mv/106083

ޖޫން 8، 2010 ގައި މާލޭގައި އާންމު ފާހާނާ ބަރިތަކެއް ހަދާ ހިންގަން ފެށީ މާލޭގައި ދިރިއުޅޭ ގިނަ ބަޔަކަށާއި ދަތުރުވެރިންނަށް ފާހާނާ ކޮށްލައި ހެދުމުގެ ފަސޭހަކަން ހޯދައި ދިނުމަށެވެ. ނަމަވެސް އެތަންތަނުގެ އެގްރީމަންޓުގެ މުއްދަތު ހަމަވެ ދެން އެގްރީމަންޓް އާކުރި ފަހުން އެފާހާނާ ބަރިތައް އެންމެ އެކަށޭނަ ގޮތެއްގައި ބެލެހެއްޓިފައި ނުވާކަން ފާހަގަ ކުރެވެއެވެ.

ބާޒާރުމަތީގައި ހުރި ފާހާނާ ބަރީގައި ބޮޑުތަޅު އެޅުވި އިރު އެތާނގެ އެތެރޭގައި ބޯކޮށާތަނެއް ހަދައިގެން ބިދޭސީން ތިބެ އެކަން ހިންގާތާ އެތައް ޒަމާނެއް ވެފައި ވާއިރު ދައުލަތުގެ ކަމާބެގޭ މުއައްސަސާތަކުން ފިޔަވަޅެއް އަޅާފައި ނުވެއެވެ.

ހަބަރު ބިދޭސީން