ރާއްޖޭގެ ކުރީގެ ނައިބު ރައީށް އަހުމަދު އަދީބު ރާއްޖެ ގެނެސްފިއެވެ. "ދަ ޕްރެސް" އަށް މައުލޫމާތު ދިން މަސްދަރަކުން ބުނީ އޭނާ ރާއްޖެ ގެނައީ ކޯސްޓްގާޑް ހުރަވީގައި ކަމަށާ މިވަގުތު ހުރަވީ މަނަވަރު އޮތީ ފޭދޫފިިނޮޅު ބޭރުގައި ކަމަށެވެ. ނަމަވެސް އަދި މިހާތަނަށް އޭނާ މަނަވަރުން ބާލާ ފުލުހުންގެ ބެލުމުގެ ދަށަށް ގެންދިޔަކަން އެނގިފައެއް ނުވެއެވެ.
އަދީބު ރާއްޖެ ގެނެސް ދޫނިދޫގައި ހައްޔަރު ކޮށްފި ކަމަށް މިއަދު ބައެއް މީޑިއާ ތަކުން ހަބަރު ފެތުރި ނަމަވެސް ފުލުހުން ވަނީ އެކަން ދޮގުކޮށްފަ އެވެ. ނޫސްތަކުގައި އެވާހަކަ ޖެހުމުގެ ކުރިން ފުލުހުންގެ ބައެއް ނޫސްތަކަށް ނުދިން ކަމަށްވެސް ރިޕޯޓުކޮށްފައި އޮތެވެ. އަދި އެވާހަކަ ޖެހުމުން، ފުލުހުން ބުނީ އެއީ ދޮގެއް ކަމަށެވެ.
ކުރީގެ ނައިބު ރައީސް އަހުމަދު އަދީބުގެ ޕާސްޕޯޓު ސުޕްރީމް ކޯޓުން ހިފަހައްޓާފައި ވަނިކޮށް، ޓަގް ބޯޓެއްގައި އަދީބު އިންޑިއާއަށް ވަޑައިގަތީ މިދިޔަ ބުރާސްފަތު ދުވަހުއެވެ. މައުލޫމާތު ލިބިފައިވާ ގޮތުގައި 3 ދުވަހުގެ ދިގު ދަތުރެއް ކުރި ޓަގު ބޯޓަށް އަދީބު އެރުއްވީ ރާއްޖެއާ 150 ނޯޓިކަލް މޭލު ބޭރުންނެވެ.
އަދީބު އިންޑިއާ އިން ހިފަހެއްޓި އިރު އެމަނިކުފާނު ވަނީ އިންޑިޔާގެ ސިޔާސީ ހިމާޔަތަށްވެސް އެދިވަޑައިގެންފައެވެ. އަދީބުގެ ބައިނަލްއަގްވާމީ ވަކީލުންގެ ޓީމް މެދުވެރިކޮށް އާއްމުކުރި ބަޔާނެއްގައި ބުނެފައިވަނީ، ރާއްޖޭގައި ހުންނަވައިފި ނަމަ އެމަނިކުފާނު ފުރާނައަށް ނުރައްކާވާނެ ކަމަށެވެ. އެގޮތުން އަދީބު ވަނީ އިންޑިޔާގެ ސިޔާސީ ހިމާޔަތަށްވެސް އެދިވަޑައިގެންފައެވެ. ނަމަވެސް އިންޑިޔާއިންވަނީ އެކަން ބަލައިގެންފައެއް ނުވެއެވެ.
އަދި އިންޑިއާއިން އަދީބު ފޮނުވާލުމާ ގުޅިގެން އޭނާގެ ވަލީކުން މިހާރު މަސައްކަތް ކުރަމުން ދަނީ އެ މައްސަލަ އދ އަށް ހުށަހެޅުމަށެވެ.
އަދީބަކީ އެމްއެމްޕީއާރުސީގެ ހިޔާނާތުގެ މައި މުގޫ ކަމަށް ގިނަ ބަޔަކު ބުނެއެވެ. އަދި އޭނާ ފިލަން މި އުޅުއްވި ވަގުތަކީ ރައީސް އަބްދުﷲ ޔާމީނުގެ މައްޗައް ޝަރީއަތެއް ކުރެވެމުން ދާ ވަގުތެވެ.
އަޅެ ހަމަ ހެވިފައެ އެ ހުންނަނީ