1986 ވަނަ އަހަރުގެ އެކްޝަން ފިލްމް "ޓޮޕް ގަން"ގެ އާ ފިލްމު "ޓޮޕް ގަން: މޭވްރިކް"ގެ ޓްރޭލާއާއެކު ގިނަ ބަޔަކަށް ހައިރާންކަން ގެނުވައިފިއެވެ.
ސެން ޑިއޭގޯގައި ކުރިއަށްދިޔަ ކޮމިކް ކޮން ފެސްޓިވަލަކަށް ކުށްލި ގޮތަކަށް ވަނުމަށްފަހު "ޓޮޕް ގަން: މޭވްރިކް"ގެ އާންމުކުރި ޓޮމް ކުރޫޒް ބުނީ ފާއިތުވީ، އޭނާގެ ފޭނުން 34 އަހަރު ވަންދެން ވަރަށް ދިގު އިންތިޒާރެއްގައި ކެއްކޮށްފިކަމަށާ އެކަމަށް ބަދަލު ދިނުމަކީ މިއަދު އޭނާގެ ޒިންމާއެއް ކަމަށެވެ.
ޓޮމް ކުރޫޒު ބުނި ގޮތުގައި ވައިގެ އުދުހުންތަކުގެ ފިލްމުތަކަށް ލޯބިކުރާ ގިނަ ބަޔަކު، "ޓޮޕް ގަން"ގެ ދެވަނަ ފިލްމަކަށް އިންތިޒާރުކޮށްގެން އެވާހަކަ ދައްކާ، އޭނާއާއި ސުވާލު ކުރާތާ ކިތަންމެ ދުވަހެއް ކަމަށާ، ދުނިޔޭގެ ކޮންމެ ހިސާބަކަށް ދިޔަ ކަމުގައި ވީ ނަމަވެސް އޭނާއާއި އެ ސުވާލު ކުރިމަތިވާކަމަށެވެ.
"ޓޮޕް ގަން: މޭވްރިކް" ގެ ޓްރޭލާއިން ފެނިގެންދަނީ އުމުރުން ދުވަސްވުމުގެ ސަބަބުން އެންމެ ފުރިހަމައަށް ޕާފޯމް ނުކުރެވިގެން "މޭވްރިކް" އުޅޭ މަންޒަރާ، ކަމަށް ޖެހިފައިވާ ހާއްސަ ލޯތްބެއްގެ ސަބަބުން ރިޓާޔާ ކުރުމަށް އޭނާ އިންކާރު ކުރަމުންދާ މަންޒަރެވެ.
ޓޮމް ކުރޫޒް ބުނި ގޮތުގައި، "ޓޮޕް ގަން: މޭވްރިކް"ގައި އަސްކަރީ ބޯޓުތައް އުދުހޭ މަންޒަރުގެ ގޮތުގައި ބޭނުންކޮށްފައި ހުންނާނީ ހަގީގަތުގައިވެސް އެމެރިކާ އަސްކަރިއްޔާގެ އުދުހުންތަކުގެ މަންޒަރުތައް ކަމަށެވެ. މަގުސަދަކަށްވީ މަތިންދާބޯޓުގެ ތެރޭގައި ކުރެވޭ އިހުސާސްތައް ބެލުންތެރިންނަށް ގެނެސްދިނުން ކަމަށާ، "ޓޮޕް ގަން: މޭވްރިކް"އިން އެކަން އިހުސާސްވެގެންދާނެ ކަމަށެވެ.
"ޓޮޕް ގަން: މޭވްރިކް" ސިނަމާތަކަށް އަންނާނީ 2020 ވަނަ އަހަރުގެ މެދެއްހާ ހިސާބުގައެވެ.
