ޑިޒްނީގެ ލައިވް އެކްޝަން ރީމޭކް ޗޭނަށް އަލަށް އިތުރުވާ "މެލެފިސެންޓް-މިސްޓްރެސް އޮފް އީވްލް"ގެ ފުރަތަމަ ޓްރޭލާ އާންމުކޮށްފިއެވެ.
މި ފިލްމުގައި މެލެފިސެންޓްގެ ބައި ކުޅެނީ، ހޮލީވުޑްގެ މަޝްހޫރު ބަތޮލާ އެންޖެލީހާ ޖޯލީއެވެ. ޕްރިންސަސް އަރޯރާގެ ރޯލުން އެލް ފެނިންގް ފެނިގެންދާއިރު، މިޝޭލް ފިފާގެ އާދަޔާ ހިލާފު ކެރެކްޓަރެއްވެސް މި ފިލްމުން ފެންނާނެ ކަމަށް ޚަބަރު ލިބެއެވެ.
ޑިޒްނީއިން ހާމަކޮށްފައިވާ ޓްރޭލާއަށް ބަލާއިރު، ފުރަތަމަވެސް ފެނިގެންދަނީ ޕްރިންސް ފިލިޕް، އަރޯރާގެ ކައިވެންޏަށް އެދި ޕްރޮޕޯޒްކުރާ މަންޒަރެވެ. ލައިވް އެކްޝަން ރީމޭކްގައި ޕްރިންސް ފިލިޕްގެ ރޯލު އަދާކުރަނީ ހެރިސް ޑިކްސަންއެވެ.
މިފިލްމް ޕްރޮޑިއުސްކުރަނީ ޖޯ ރޮތް އާއި، އެންޖެލީނާގެ އިތުރުން ޑަންކަން ހެންޑަސަންއެވެ.
"މެލެފިސެންޓް-މިސްޓްރެސް އޮފް އީވްލް" ރިލީޒް ކުރުމަށް ހަމަޖެހިފައިވަނީ އޮކްޓޯބަރު މަހުގެ 18 ވަނަ ދުވަހުއެވެ.
